EN

Hljómsveitarstjóraakademía SÍ

Opnir hádegistónleikar

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
1. okt. 2024 » 12:00 » Þriðjudagur Eldborg | Harpa
Aðgangur ókeypis
  • Efnisskrá

    Ludwig van Beethoven Fidelio, forleikur
    W.A. Mozart Sinfónía nr. 39
    Ígor Stravinskíj Dumbarton Oaks

  • Leiðbeinandi

    Eva Ollikainen

  • Hljómsveitarstjórar

    Kynntir síðar

Sinfóníuhljómsveit Íslands heldur nú í sjötta sinn námskeið í hljómsveitarstjórn undir stjórn og leiðsögn Evu Ollikainen, aðalhljómsveitarstjóra Sinfóníunnar. Í Hljómsveitarstjóraakademíunni fær ungt og efnilegt tónlistarfólk tækifæri til þess að spreyta sig á stjórnandapallinum og stjórna heilli sinfóníuhljómsveit undir handleiðslu Evu. Þetta gefandi grasrótarstarf er farið að bera ríkulegan ávöxt og hafa nemendur akademíunnar þegar látið til sín taka á pallinum með miklum glæsibrag, bæði hér heima og erlendis.

Akademían er fyrst og fremst vettvangur nemenda sem lokið hafa miðprófi hið minnsta í hljóðfæraleik eða söng. Völdum nemendum gefst svo tækifæri til að stjórna Sinfóníuhljómsveit Íslands á opnum hádegistónleikum í lok námskeiðs.

Gestir eru velkomnir á viðburðinn og geta fylgst með þessum ungu og hæfileikaríku stjórnendum stíga sín fyrstu skref á pallinum.

Aðgangur er ókeypis og öll velkomin.