Arnheiður Eiríksdóttir

Mezzó-sópran

Mezzó-sópransöngkonan Arnheiður Eiríksdóttir var útnefnd sem „Bjartasta vonin“ á Alþjóðlegu óperu-verðlaunahátíðinni í München haustið 2024. Hún hlaut einnig tékknesku Thalia-verðlaunin sem óperusöngvari ársins 2023 fyrir túlkun sína á Oktavian í Rósariddaranum eftir Richard Strauss og var aftur tilnefnd ári síðar fyrir frumraun sína sem tónskáldið í Ariadne auf Naxos.

Frá árinu 2020 hefur Arnheiður verið fastráðin einsöngvari við Þjóðleikhúsið í Prag, þar sem hlutverk hennar hafa meðal annars verið Charlotte í Werther, Rosina í Rakara Sevilla, Hans í Hans og Grétu, Dorabella í Così fan tutte og Cherubino í Brúðkaupi Fígarós. Hún hefur einnig komið fram við þekkt óperuhús og með hljómsveitum víða í Evrópu og Asíu, þar á meðal Sinfóníuhljómsveit Íslands árið 2024 þegar hún flutti sönglög eftir Edward Grieg.

Á starfárinu 2026/27 mun Arnheiður syngja nokkur sönglaga Mahlers undir stjórn Tomášar Hanus.