Benedikt Kristjánsson

Hljómsveitarstjóri og tenór

Benedikt Kristjánsson er einn fremsti tenór Íslands og sérhæfir sig í flutningi barokktónlistar. Hann vann til verðlauna í alþjóðlega Bach-söngkeppninni í Greifswald árið 2011 og Bach-keppninni í Leipzig árið 2012 og hlaut jafnframt OPUS Klassik-verðlaunin árið 2019 fyrir nýstárlega útgáfu af Jóhannesarpassíu Bachs fyrir tenór, sembal og slagverk. Hann hefur komið fram í helstu tónleikasölum heims, þar á meðal í Berlínarfílharmóníunni, Concertgebouw í Amsterdam og Walt Disney Hall í Los Angeles, og hefur unnið með hljómsveitarstjórum eins og Vladimir Jurowski, Philippe Herreweghe og Hans Christoph Rademann.

Benedikt hefur stjórnað stórum kórtónverkum Bachs í Reykjavík við nokkur tækifæri, þar á meðal Jólaóratoríunni árið 2024 og Jóhannesarpassíunni árið 2026. Á starfsárinu 2026/27 kemur hann fram sem stjórnandi með Sinfóníuhljómsveit Íslands í fyrsta sinn, þar sem hann bæði syngur og stjórnar hinni stórfenglegu Matteusarpassíu í Hörpu.