Bjarni Frímann Bjarnason

Hljómsveitarstjóri

Bjarni Frímann Bjarnason er listrænn stjórnandi samtímasveitarinnar BIT20 í Bergen og hlaut hin virtu Léonie Sonning-verðlaun árið 2025. Hann var staðarhljómsveitarstjóri hjá Sinfóníuhljómsveit Íslands á árunum 2018–2021 og gegndi stöðu tónlistarstjóra Íslensku óperunnar frá 2018, þar sem hann stjórnaði m.a. uppsetningum á Tosca, La Traviata og Giftingu Fígarós, auk frumflutnings á óperunni Bræður eftir Daníel Bjarnason.

Bjarni Frímann hefur stjórnað öllum helstu hljómsveitum á Íslandi, svo sem Sinfóníuhljómsveit Íslands, Kammersveit Reykjavíkur, CAPUT og Elju kammersveit, ásamt því að hann er reglulegur gestur hjá hljómsveitum eins og The Hallé í Manchester, Útvarpshljómsveitinni í Berlín og Sinfóníuhljómsveit danska ríkisútvarpsins. Bjarni Frímann hefur einnig unnið náið með listamönnum á borð við Björk og Ólaf Arnalds, ásamt því að vera meðstofnandi State of the Art-hátíðarinnar á Íslandi.