Mirian Khukhunaishvili

Hljómsveitarstjóri

Georgíski hljómsveitarstjórinn Mirian Khukhunaishvili er nýráðinn tónlistarstjóri Óperunnar í Wrocław, þar sem hann hefur störf í september nk. Um þessar mundir er hann aðalhljómsveitarstjóri Elbląg kammerhljómsveitarinnar í Póllandi en hann er einnig tónlistarstjóri og einn stofnenda Tblisi ungmennahljómsveitarinnar í Georgíu.

Khukhunaishvili hefur stjórnað fjölda sinfóníuhljómsveita í Evrópu sem gestahljómsveitarstjóri, þar má nefna Konzerthausorchester Berlin, Dönsku þjóðarhljómsveitina, NFM Wrocław fílharmóníuna, Sinfóníuhljómsveitina í Gävle, Rúmönsku útvarpshljómsveitina, og allar helstu sinfóníuhljómsveitir Georgíu. Mirian hefur starfað með Sinfóníuhljómsveit Íslands áður en hann stjórnaði sveitinni á Jólatónleikum árið 2022 og Vínartónleikum árið 2024.

Khukhunaishvili er sá fyrsti til að taka á móti Ringmann-Jaross verðlaununum sem veitt eru af hljómsveitarstjóranum Christoph Eschenbach. Khukhunaishvili hefur líka unnið sem aðstoðarstjórnandi Klaus Mäkelä og var aðstoðarstjórnandi á tónleikaferðalagi Concertgebouw hljómsveitarinnar þar sem leiknar voru 5. sinfónía Bruckners og 3. sinfónía Mahlers.

Khukhunaishvili vann Paavo Järvi verðlaunin sem og hlustendaverðlaunin í hljómsveitarstjóraakademíunni á vegum Tonhalle hljómsveitarinnar Zurich 2022/23. Þá hefur hann tekið þátt í Ammodo hljómsveitarstjóramasterclass með Concertgebouw hljómsveitinni og Norrænu hljómsveitarstjóraakademíunni með Óslóarfílharmóníunni.

Á árunum 2021 – 2024 kenndi hann hljómsveitarstjórn við Listaháskóla Íslands og stjórnaði kór skólans. Hann lærði sjálfur við Ríkistónlistarháskólann í Tblisi og síðar í Tónlistarakademíunni í Kraków, hvaðan hann lauk doktorsprófi í hljómsveitarstjórn árið 2020.