Nathanaël Iselin

Franski hljómsveitarstjórinn Nathanaël Iselin hefur vakið mikla athygli fyrir tónlistarhæfileika sína á undanförnum árum. Hann er listrænn samstarfsaðili Kammersveitarinnar í Kymi í Finnlandi og aðstoðarstjórnandi Sinfóníuhljómsveitarinnar í Singapúr. Hann hlaut fyrstu verðlaun í alþjóðlegu Jorma Panula-hljómsveitarstjórakeppninni árið 2021 og önnur verðlaun í þýsku hljómsveitarstjóraverðlaununum árið 2023.

Hann er reglulegur gestur hjá hljómsveitum eins og Sinfóníuhljómsveit finnska ríkisútvarpsins, Útvarpshljómsveitinni í Noregi og Fílharmóníusveitinni í Kaupmannahöfn. Á starfsárinu 2026/27 kemur hann fram hjá Fílharmóníusveitinni í Hong Kong og Þjóðarhljómsveit Danmerkur. Iselin nam hljómsveitarstjórn við fjóra af kunnustu tónlistarháskólum Evrópu: Sibeliusarakademíuna í Helsinki, Conservatoire National Supérieur de Musique í París, Hochschule der Künste í Zürich og Konunglega Danska tónlistarháskólann. Meðal lærimeistara hans voru Mariss Jansons, Susanna Mälkki og Jorma Panula. Iselin er einnig slagverksleikari og hefur meðal annars leikið með Ensemble Intercontemporain og Óperuhljómsveitinni í Limoges.

Iselin stjórnaði Sinfóníuhljómsveit Íslands fyrst á páskatónleikum 2022 og var í kjölfarið boðin staða staðarhljómsveitarstjóra sem hann gengdi starfsárið 2022/23. Hann stjórnaði Ungsveit Sinfóníuhljómsveitar Íslands í fyrsta sinn árið 2025 og var umsvifalaust boðið aftur til að vinna með hljómsveitinni ári síðar.