Sveinn Dúa Hjörleifsson

Tenór

Tenórsöngvarinn Sveinn Dúa Hjörleifsson stundaði nám við Söngskóla Sigurðar Demetz og Universität für Musik und darstellende Kunst í Vínarborg. Hann var fastráðinn við Landestheater Linz í Austurríki og síðar við Óperuna í Leipzig í Þýskalandi, þar sem hlutverk hans hafa meðal annars verið Tamino í Töfraflautunni, Don Ottavio í Don Giovanni, Narraboth í Salome og Cassio í Otello. Hann hefur einnig komið fram í Konzerthaus og Musikverein í Vínarborg, Semperoper Dresden, Oper Frankfurt, á Wiener Festwochen og Berliner Festtagen, og tók þátt í heimsfrumsýningum á Terra Nova eftir Moritz Eggert og endurtúlkun David Langs á Parsifal Wagners. Drag-uppsetning hans á Die schöne Müllerin vakti mikla athygli og var tilnefnd til bestu sýningar og söngvara ársins á Íslandi.

Sveinn Dúa Hjörleifsson söng tenóreinleikann í 9. sinfóníu Beethovens með Sinfóníuhljómsveit Íslands á opnunartónleikum Hörpu árið 2011 og hefur komið fram með hljómsveitinni við fjölmörg tækifæri síðan þá.