Dagsetning | Staðsetning | Verð |
---|---|---|
4. maí 2019 » 14:00 » Laugardagur | Eldborg | Harpa | 2.500 - 2.900 kr. |
-
Strákurinn og slikkeríið
Tónlist og texti eftir Jóhann G. Jóhannsson byggt á sögu Roald Dahl
-
Hljómsveitarstjóri
-
Söngvarar
Brynhildur Guðjónsdóttir og
Unnsteinn Manuel Stefánsson
-
Kór
Stúlknakór Reykjavíkur
-
Myndir
Quentin Blake
Strákurinn og slikkeríið er nýtt tónlistarævintýri eftir Jóhann G. Jóhannsson sem byggt er á sögu eftir Roald Dahl sem er höfundur margra þekktra barnabóka, til dæmis sögunnar um Matthildi, Jóa og risaferskjuna og Kalla og sælgætisgerðina. Jóhann G. samdi tónlistina við Skilaboðaskjóðuna og færði lög Astrid Lindgren í hljómsveitarbúning á fádæma vinsælum tónleikum Sinfóníuhljómsveitarinnar síðastliðið haust. Í Stráknum og slikkeríinu sláumst við í för með litlum dreng og þremur kostulegum vinum hans úr dýraríkinu: gíraffa, pelíkana og apa.
Í grípandi sönglögum og litríkum ljóðum bregða söngvararnir sér í líki sögupersónanna, jafnt dýra sem manna. Andi Roalds Dahl svífur yfir vötnum með kímni, spennu og óvæntum vendingum allt til enda. Í tónlistarævintýrinu taka Brynhildur Guðjónsdóttir og Unnsteinn Manuel Stefánsson ásamt Stúlknakór Reykjavíkur höndum saman og hjálpast að við leysa vandamál og láta drauma rætast. Hljómsveitarstjóri er Noam Aviel sem þreytir frumraun sína með Sinfóníuhljómsveit Íslands.
Boðið verður upp á listasmiðju í Hörpuhorni að tónleikum loknum. Þar aðstoða blöðrulistamenn tónleikagesti við að búa til sinn eigin blöðrugíraffa úr vistvænum blöðrum.