EN

Eva stjórnar Shostakovitsj

Í beinni sjónvarpsútsendingu á RÚV

Áskrift veitir þér 20% afslátt af miðaverði. Tryggðu þér áskrift eða endurnýjaðu áskriftina þína hér á vefnum.
Dagsetning Staðsetning Verð
18. maí 2022 » 20:00 » Miðvikudagur Eldborg | Harpa 2.900 – 7.500 kr.
Kaupa miða

Fáar sinfóníur 20. aldar hafa náð þvílíkri hylli sem fimmta sinfónía Shostakovitsj enda er hún magnþrungin og glæsileg, gædd dýpt og einlægri tjáningu. Hún var samin árið 1937, um sama leyti og pólitískar „hreinsanir“ Jósefs Stalín stóðu sem hæst. Tónskáldið átti mikið undir viðtökum verksins, því að einræðisherrann var síður en svo hrifinn af því sem hafði frá tónskáldinu komið undangengin misseri. Shostakovitsj kallaði verkið „listrænt svar sovésks listamanns við réttmætri gagnrýni“ en tónlistina er hægt að skilja á ýmsa vegu, jafnvel glæsilegan lokapunkt verksins. „Það er eins og einhver berji þig með kylfu og segi: Þú átt að fagna, þú átt að fagna,“ er haft eftir tónskáldinu sjálfu.

Þetta er einstakt tækifæri til að heyra eina mögnuðustu sinfóníu 20. aldar undir stjórn Evu Ollikainen, aðalstjórnanda Sinfóníuhljómsveitar Íslands.

Tónleikunum er einnig sjónvarpað beint á RÚV og eru þeir um klukkustundarlangir án hlés.