Ný útgáfa með öllum sinfóníum Arvo Pärt
Út er komin ný plata, Arvo Pärt: Complete Symhonies, með fjórum sinfóníum eistneska tónskáldsins Arvos Pärt í flutningi Sinfóníuhljómsveitar Íslands undir stjórn Eva Ollikainen aðalhljómsveitarstjóra.
Arvo Pärt er eitt dáðasta tónskáld samtímans en í fyrra fagnaði hann níræðisafmæli. Af því tilefni flutti hljómsveitin allar fjórar sinfóníur hans á tónleikum og voru sinfóníurnar í framhaldi hljóðritaðar í Hörpu til útgáfu á vegum breska útgáfufyrirtækisins Chandos.
Sinfónía No. 3: III. Minim = 60
Sinfóníurnar voru samdar á 45 ára tímabili og eru því mjög ólíkar hvað stíl varðar – fjögur sjálfstæð verk sem endurspegla sköpun Arvos Pärt á ólíkum skeiðum á ferli hans.
Platan hefur þegar hlotið frábæra dóma og er nú plata vikunnar á Presto Music þar sem gagnrýnandinn David Smih segir meðal annars:
...Eva Ollikainen og íslensku hljóðfæraleikararnir sýna öll fjögur verkin í sínu besta ljósi, og það var ekki eitt einasta augnablik á plötunni þar sem athyglin dvínaði eða tónlistin missti tökin.
- Eldri frétt
- Næsta frétt