Fréttasafn: 2025

Sinfóníuhljómsveit Íslands stendur fyrir einstökum jólastundum í Hörpu 16. og 17. desember. Gestir á jólastundum eru nemendur úr vinaskólum hljómsveitarinnar; Klettaskóla, Arnarskóla og leikskólanum Sólborg ásamt nemendum af táknmálssviði Hlíðaskóla og börnum og ungmennum í Blindrafélaginu. 

Sinfóníuhljómsveit Íslands auglýsir eftir umsóknum um stöðu túbuleikara.

Umsóknarfrestur er til 9. febrúar 2026 og niðurstöður fyrstu umferðar verða kynntar þátttakendum 14. febrúar 2026.

Sinfóníuhljómsveit Íslands óskar eftir að ráða aðstoðarnótnavörð í fullt starf. Leitað er að áhugasömum og metnaðarfullum einstaklingi sem býr yfir drifkrafti og þjónustulund og góðum skipulags- og samskiptaeiginleikum.

Sinfóníuhljómsveit Íslands auglýsir eftir umsóknum um stöðu almenns kontrabassaleikara.

Umsóknarfrestur er til 26. febrúar 2026

Með gjafakorti Sinfóníunnar geta tónlistarunnendur á öllum aldri valið hvaða tónleika sem er úr fjölbreyttri dagskrá hljómsveitarinnar. Hvernig hljóma til dæmis hátíðlegir Vínartónleikar, E.T. bíótónleikar, Mahler 8, fjölskyldutónleikar, Elgar og Eldfuglinn, Nærmynd af Hildi Guðnadóttur eða hvað sem hæfir áhuga og smekk. Gjafakortið er tímalaust og rennur ekki út. Gefðu lifandi tónlist um jólin!

Sinfóníuhljómsveit Íslands býður ríflega 1000 eldri borgurum af höfuðborgarsvæðinu á opna æfingu fyrir Vínartónleika hljómsveitarinnar. Leikin verður Vínartónlist og dúettar í flutningi Eyrúnar Unnarsdóttur og Sveins Dúa Hjörleifssonar auk þess sem dansarar stíga á svið.

Sinfóníuhljómsveit Íslands auglýsir til umsóknar stöðu almenns hornleikara í horndeild.

Umsóknarfrestur er til 10. janúar 2026.

Hæfnispróf fer fram 21. febrúar 2026 í Hörpu.

Mugison og Sinfóníuhljómsveit Íslands gefa út lagið Til Lífsins í Ást í tveimur útgáfum bæði í hljóði og mynd. Til Lífsins í Ást var tekið upp í Eldborg, Hörpu í aðdraganda samstarfsverkefnis Iceland Airwaves 2025, Sinfóníunnar og Mugisons.

Björn Skúlason maki forseta Íslands hefur tekið að sér hlutverk verndara Ungsveitar Sinfóníuhljómsveitar Íslands. Af því tilefni var hann viðstaddur tónleika Ungsveitarinnar í Eldborg í Hörpu sl. sunnudag þar sem sveitin flutti fjórðu sinfóníu Tsjajkovskíjs undir stjórn Nathanaël Iselin.