Fréttasafn
2018
Fyrirsagnalisti
![](/media/myndir-a-vef/c370x210/sinfo-0730.jpg)
Viðburðaríkt ár hjá Sinfóníunni
Árið 2018 hefur verið viðburðaríkt hjá hljómsveitinni og var fullveldisafmælinu fagnað á fjölda tónleika á árinu. Edda II eftir Jón Leifs var frumflutt í mars og uppáhalds íslensku tónverk þjóðarinnar voru flutt á Klassíkinni okkar. Hljómsveitin hélt í velheppnaða tónleikaferð til Japans í nóvember og lék á tólf tónleikum. Þann 1. desember var aldarafmælinu fagnað á hátíðarviðburði í Hörpu og lauk árinu með Jólatónleikum þar sem íslenskar jólaperlur voru í forgrunni.
Lesa meira![](/media/starfsmenn-og-listamenn/c370x210/katrin-halldora-landscape.jpg)
Trúðurinn Hildur kynnir á Jólatónleikum Sinfóníunnar
Kynnir á jólatónleikum Sinfóníunnar í ár er trúðurinn Hildur, leikinn af Katrínu Halldóru Sigurðardóttur, einni ástsælustu leikkonu landsins. Hátíðleikinn verður í fyrirrúmi á þessum fjölskyldutónleikunum þar sem meðal annars verða sungin og spiluð lög um íslensku jólasveinana og jólaköttinn í tilefni hundrað ára fullveldisafmæli Íslands.
![](/media/starfsmenn-og-listamenn/c370x210/Arna_Kristin-1-.jpg)
Arna Kristín Einarsdóttir ráðin framkvæmdastjóri kanadísku þjóðarhljómsveitarinnar
Arna Kristín Einarsdóttir, framkvæmdastjóri Sinfóníuhljómsveitar Íslands, hefur verið ráðin sem framkvæmdastjóri kanadísku þjóðarhljómsveitarinnar í Ottawa og tekur við því starfi 1. maí 2019. Arna Kristín mun gegna starfi framkvæmdastjóra Sinfóníuhjómsveitar Íslands fram á vor.
Lesa meira![](/media/myndir-2018/19/c370x210/japan-2-fb.jpg)
Velheppnuð tónleikaferð
Sinfóníuhljómsveit Íslands er komin heim eftir velheppnaða Japansferð. Hljómsveitin lék á 12 tónleikum í öllum helstu borgum landsins, m.a. í Tókýó, Osaka, Sapporo og Hamamatsu.
Samtals lék hljómsveitin fyrir um 25.000 tónleikagesti en uppselt var á alla tónleika sveitarinnar. Viðtökurnar voru frábærar og var hljómsveitin undantekningalaust klöppuð upp af áheyrendum að tónleikum loknum.
Lesa meira![](/media/hljodfaeraleikarar/c370x210/r6j8unv4.jpg)
Tvær lausar leiðarastöður
Sinfóníuhljómsveit Íslands auglýsir lausar til umsóknar tvær leiðara stöður. Hæfinspróf fyrir stöðu leiðara í kontrabassadeild fer fram 5. febrúar 2019 og hæfnispróf fyrir stöðu leiðara í trompetdeild fer fram 6. febrúar 2019. Umsóknarfrestur er til og með 9. desember 2018.
Lesa meira![](/media/myndir-2018/19/c370x210/mynd_frettatilkynning.jpg)
Íslendingasögur: Sinfónísk sagnaskemmtun- bein útsending
Í tilefni 100 ára afmælis fullveldis Íslands þann 1. desember býður ríkisstjórn Íslands þjóðinni til veislu í Hörpu. Sýningin er unnin í samstarfi við Sinfóníuhljómsveit Íslands, Hörpu og RÚV og verður sjónvarpað í beinni útsendingu kl. 20:00 á RÚV.
Lesa meira![](/media/myndir-2018/19/c370x210/af379c50-3ef1-4877-b3fb-0e6d61f9434a.jpg)
Á ferð og flugi í Japan
Sinfóníuhljómsveit Íslands ferðast nú vítt og breytt um Japan með Vladimir Ashkenazy og Nobuyuki Tsujii. Viðtökurnar í Japan hafa verið frábærar og er uppselt á nær alla tónleika hljómsveitarinnar.
Lesa meira![](/media/myndir-2018/19/c370x210/_a__0252_klippt.jpg)
Fyrstu tónleikar Japansferðarinnar
Sinfóníuhljómsveit Íslands lék fyrir fullu húsi á fyrstu tónleikum sínum í tónleikaferð sveitarinnar um Japan þar sem hún lék í Muza Kawasaki Symphony Hall í undir stjórn Vladimir Ashkenazy, aðalheiðursstjórnanda hljómsveitarinnar. Einleikari í ferðinni er japanski píanistinn Nobuyuki Tsujii sem er einn vinsælasti einleikari þar í landi.
Lesa meira![](/media/hljomsveitin/c370x210/y6b9dkpz.jpg)
Tónleikaferð til Japans
Sinfóníuhljómsveit Íslands heldur í tónleikaferð til Japans í nóvember með píanistanum Nobuyuki Tsujii og Vladimir Ashkenazy, aðalheiðursstjórnanda Sinfóníuhljómsveitar Íslands. Nær uppselt er á alla tónleika hljómsveitarinnar í Japan. Á efnisskránni eru verk eftir Þorkel Sigurbjörnsson, Rakhmanínov, Chopin og Sibelius.
Fylgstu með tónleikaferðinni #IcelandSymphonyInJapan.
Lesa meira![](/media/myndir-2018/19/c370x210/Ungir-einleikarar-STOR.jpg)
Úrslit í einleikarakeppni Sinfóníunnar og LHÍ
Helgina 26. og 27. október 2018 fór fram árleg einleikarakeppni Sinfóníuhljómsveitar Íslands og Listaháskóla Íslands. Alls tóku 15 einleikarar þátt og voru 4 hlutskarpastir að þessu sinni. Það eru þau Guðbjartur Hákonarson, fiðluleikari, Harpa Ósk Björnsdóttir, söngkona, Hjörtur Páll Eggertsson, sellóleikari og Silja Elísabet Brynjarsdóttir, söngkona. Þau munu koma fram ásamt á tónleikum Ungra einleikara 17. janúar 2019.
Lesa meira- Nýrri fréttir
- Eldri fréttir