Fréttasafn
2013
Fyrirsagnalisti
SÍ tilnefnd til Íslensku tónlistarverðlaunanna
Tilnefningar Íslensku tónlistarverðlaunanna 2013 hafa nú verið kynntar og er Sinfóníuhljómsveit Íslands tilnefnd í tveimur flokkum í ár:
Tónlistarviðburður ársins
Ólafur Arnalds og Sinfóníuhljómsveit Íslands – For Now I am Winter
Leiðir Ólafs Arnalds og Sinfóníuhljómsveitar Íslands lágu saman í fyrsta sinn á tónleikum Iceland Airwaves tónlistarhátíðarinnar í Elborgarsal Hörpu í lok nóvember sl. Innhverf og einlæg tónlist Ólafs naut sín til fullnustu fyrir fullum sal áheyrenda í Eldborg og fegurðin í kyrrðinni ríkti ofar öllu.
Hljómplata ársins – Sígild- og samtímatónlist
Vincent d´Indy – Orchestral Works 5 – Sinfóníuhljómsveit Íslands undir stjórn Rumons Gamba
Samstarf Sinfóníuhljómsveitar Íslands og Rumons Gamba elur af sér fimmta hljómdiskinn með verkum franska síð-rómantíkersins Vincent d´Indy. Frábær flutningur á áhugaverðri tónlist d´Indy og hljóðupptaka til fyrirmyndar.
Lesa meira
Sigurvegarar einleikarakeppni SÍ og LHÍ
Baldvin Ingvar Tryggvason, klarinettunemandi hjá tónlistardeild LHÍ.
Úrslit í myndasamkeppni Litla tónsprotans
Sinfóníuhljómsveit Íslands þakkar öllum þátttakendum fyrir innsendar myndir og óskar vinningshöfum til hamingju.
Vinningshafar:
Júlía Freydís Egilsdóttir, 4 ára
Jóel Ben Tompkins, 7 ára
Telma Guðrún Þorsteinsdóttir, 4 ára
Það var enginn annar en Brian Pilkington myndlistarmaður sem valdi úr innsendum myndum.
Viðurkenningar eru tveir miðar að eigin vali á tónleika Litla tónsprotans og bók um tónlistarmúsina Maxímús Músíkús.
Lesa meira
GAMMA verður aðalstyrktaraðili Sinfóníuhljómsveitar Íslands
Fjármálafyrirtækið GAMMA verður aðalstyrktaraðili Sinfóníuhljomsveitar Íslands næstu þrjú árin. GAMMA hefur verið meðal styrktaraðila Sinfóníunnar síðastliðin tvö ár en verður nú eini aðalstyrktaraðili hljómsveitarinnar. Samkomulagið var undirritað nú nýverið af Gísla Haukssyni forstjóra GAMMA og Örnu Kristínu Einarsdóttur framkvæmdastjóra Sinfóníunnar. Samningur GAMMA og Sinfóníunnar hefur þegar tekið gildi og stendur fram til haustsins 2016 og verður fyrirtækið eini aðalstyrktaraðili hljómsveitarinnar á tímabilinu.
Lesa meira
Sinfóníuhljómsveitin á ferð og flugi
Þessa vikuna verður Sinfóníuhljómsveit Íslands á ferð og flugi. Hljómsveitin skiptir sér í tvær sveitir sem heimsækja grunnskóla á höfuðborgarsvæðinu og spila fyrir nemendur og kennara.
Ungsveit SÍ á tónleikum 6. október
Ungsveit Sinfóníuhljómsveitar Íslands heldur tónleika í Eldbog í Hörpu sunnudaginn 6. október kl. 17.00. Hljómsveitin er skipuð tæplega hundrað ungmennum úr tónlistarskólum landsins.
Ungsveitin flytur Karnival í Róm eftir Hector Berlioz, Sellókonsert Elgars og La mer eftir Debussy.
Einleikari og sérstakur gestur Ungsveitarinar er hinn margrómaði sellóleikari Sæunn Þorsteinsdóttir og stjórnandi er Petri Sakari, fyrrum aðalhljómsveitarstjóri Sinfóníuhljómsveitar Íslands.
Þetta eru tónleikar sem áhugamenn um framtíð íslenskar tónlistar láta sig ekki vanta á.
Nemendur og fólk undir 25 ára aldri fær 50% afslátt af miðaverði í miðasölu Hörpu.
Lesa meira
Áheyrnarprufum fyrir Jólatónleika lokið
Tíu ungir trompetleikarar tóku þátt í áheyrnarprufunum og léku fyrsta trompetpart úr verkinu Bugler's Holiday eftir Leroy Anderson.
Allir þátttakendur stóðu sig með prýði og komu mjög vel undirbúnir til leiks. Þeir trompetleikarar sem voru hlutskarpastir og munu leika með Sinfóníuhljómsveit Íslands á Jólatónleikum sveitarinnar eru:
Elísa Guðmarsdóttir, 1. trompet
Sóley Björk Einarsdóttir, 2, trompet
Svanhildur Tekla Bryngeirsdóttir, 3. trompet
Lesa meira
Aukatónleikar á Skálmöld og SÍ
Sinfóníuhljómsveit Íslands og hljómsveitin Skálmöld sameina krafta sína á tónleikum í Eldborg í lok nóvember. Skálmöld hefur vakið mikla athygli á undanförnum árum fyrir kraftmikla tónlist og líflega sviðsframkomu. Tónlist Skálmaldar er þungarokk með þjóðlaga- og víkingaáhrifum og verður magnað að sjá þessar tvær kraftmiklu hljómsveitir sameinast á sviði.
Á efnisskránni verður meðal annars tónlist af plötum Skálmaldar, Baldri og Börnum Loka. Tónskáldið Haraldur V. Sveinbjörnsson færir víkingaskotinn þungmálm Skálmaldar í sinfónískan búning.
Sala á tónleikana fór ótúlega vel af stað og uppselt er á tvenna tónleika 28. og 29.nóvember. Nú hefur verið bætt við enn einum aukatónleikum laugardaginn 30. nóvember kl. 17.00 og heft miðasala á tónleikana 20. september kl.12.00.
Lesa meira
Arna Kristín Einarsdóttir tekur við starfi framkvæmdastjóra SÍ
Arna Kristín Einarsdóttir tók við starfi framkvæmdastjóra Sinfóníuhljómsveitar Íslands 1. september. Hún tekur við af Sigurði Nordal sem gegnt hefur starfinu undanfarin fjögur ár.
Arna Kristín starfaði sem tónleikastjóri hjá Sinfóníuhljómsveit Íslands frá árinu 2007-2013. Áður starfaði hún við skipulagningu menningarviðburða hjá Hafnarfjarðarbæ og í Norræna húsinu. Þá starfaði hún sem flautuleikari hjá Sinfóníuhljómsveit Íslands 2000-2004 og áður í Bretlandi.
Arna Kristín er með meistaragráðu í menningar- og menntastjórnun frá Háskólanum á Bifröst ásamt því að hafa lokið framhaldsmenntun í þverflautuleik í Bandaríkjunum og Bretlandi.
Lesa meira
Opið hús á Menningarnótt
Sinfóníuhljómsveit Íslands býður á tvenna tónleika á Menningarnótt í Eldborgarsal Hörpu. Boðið verður upp á barnatónleika kl. 15 með færeyska tónlistarævintýrinu Veiða vind í íslenskri þýðingu Þórarins Eldjárns þar sem Gói er í hlutverki sögumanns. Þá verða haldnir síðdegistónleikar kl. 17 með vinsælum klassískum verkum. Einleikari er Anna Guðný Guðmundsdóttir píanóleikari og hljómsveitarstjóri er Bernharður Wilkinson.
Ókeypis er á tónleikana og eru allir velkomnir meðan húsrúm leyfir. Hægt verður að sækja aðgöngumiða í miðasölu Hörpu á tónleikadegi.
Lesa meira
- Nýrri fréttir
- Eldri fréttir