Dagsetning | Staðsetning | Verð |
---|---|---|
17. jan. 2019 » 19:30 » Fimmtudagur | Eldborg | Harpa | 2.500 - 4.500 kr. |
-
Efnisskrá
Gustave Charpentier Depuis le jour, úr Louise
Leonard Bernstein Glitter and be Gay, úr Candide
W.A. Mozart Der Hölle Rache..., úr Töfraflautunni
Jean Sibelius Fiðlukonsert í d-moll
Samuel Barber Must the Winter Come So Soon, úr Vanessu
W.A. Mozart Smanie implacabili, úr Cosi fan tutte
Gustav Mahler Urlicht
Jean Sibelius Var det en dröm, úr Fimm söngvum op. 37
Georges Bizet Habanera, úr Carmen
Edward Elgar Sellókonsert í e-moll
-
Hljómsveitarstjóri
-
Ungir einleikarar 2019
Harpa Ósk Björnsdóttir, einsöngvari
Guðbjartur Hákonarson, fiðluleikari
Silja Elsabet Brynjarsdóttir, einsöngvari
Hjörtur Páll Eggertsson, sellóleikari
Á hverju ári fer fram keppni ungra einleikara sem Sinfóníuhljómsveit Íslands stendur fyrir í samvinnu við Listaháskóla Íslands. Keppnin er opin nemendum á háskólastigi, óháð því hvaða skóla þeir sækja, og fá þeir hlutskörpustu að leika einleik með Sinfóníuhljómsveit Íslands. Stjórnandi tónleikanna er hin brasilíska Ligia Amadio, aðalstjórnandi Fílharmóníuhljómsveitarinnar í Montevideo í Úrúgvæ, en hún stjórnaði kvennatónleikum Sinfóníunnar árið 2015 við sérlega góðar undirtektir.
Sinfóníuhljómsveitin og Listaháskóli Íslands leiða saman hesta sína og styðja við okkar efnilegasta tónlistarfólk á leið þess inn í heim atvinnumennskunnar. Óhætt er að segja að mikil eftirvænting ríki á hverju ári í aðdraganda þessara tónleika og stemningin á tónleikunum sjálfum er engu lík.
Einleikarakeppnin fór fram helgina 26.-27. október. Alls tóku 15 ungir einleikarar þátt og urðu fjórir hlutskarpastir í keppninni að þessu sinni. Það eru þau Guðbjartur Hákonarson, fiðluleikari, Harpa Ósk Björnsdóttir, söngkona, Hjörtur Páll Eggertsson, sellóleikari og Silja Elsabet Brynjarsdóttir, söngkona.
Það verður spennandi að sjá þessa ungu og upprennandi tónlistarmenn stíga á svið með hljómsveitinni í Eldborg í Hörpu.
Námsmenn yngri en 25 ára og tónlistarnemar geta keypt miða á 1.700 kr. gegn framvísun Skólakorts Sinfóníunnar í miðasölu Hörpu.