EN

Klassíkin okkar

Á valdi tilfinninganna

Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
Dagsetning Staðsetning Verð
30. ágú. 2024 » 20:00 » Föstudagur Eldborg | Harpa 2.900 - 7.900 kr.
Kaupa miða
  • Efnisskrá

    Gioachino Rossini William Tell, forleikur
    Sergej Prokofíev Montag og Kapúlett úr Rómeó og Júlíu
    Jacob Gade Tango Jalousie
    Leonard Bernstein Mambo úr West Side Story
    W.A Mozart Soave sia il vento úr Così fan tutte
    Anna Meredith Nautilus
    Una Torfadóttir Fyrrverandi
    Ígor Stravinskíj Vítisdansinn úr Eldfuglinum
    W.A. Mozart Lacrimosa úr Requiem
    Aaron Copland Fanfare for the Common Man
    Gioachino Rossini Kattadúettinn
    Bedřich Smetana Moldá
    Bubbi Kveðja
    Grażyna Bacewicz Oberek
    Giuseppe Verdi Dies irae úr Requiem
    Sigvaldi Kaldalóns Ave María
    Ludwig van Beethoven Óðurinn til gleðinnar

  • Hljómsveitarstjóri

    Bjarni Frímann Bjarnason

  • Flytjendur

    Agnes Thorsteins
    Bubbi Morthens
    Gunnar Björn Jónsson
    Karin Torbjörnsdóttir
    Ólafur Kjartan Sigurðarson
    Sigrún Eðvaldsdóttir
    Una Torfadóttir

  • Kórar

    Mótettukórinn
    Söngsveitin Fílharmónía

  • Kynnar

    Halla Oddný Magnúsdóttir
    Guðni Tómasson

Klassíkin okkar er löngu orðin fastur liður í tónlistarlífi landsmanna, en þá sýnir RÚV beint frá tónleikum Sinfóníuhljómsveitar Íslands þar sem þjóðin fær að hlutast til um dagskrána og öllu er tjaldað til. Að þessu sinni bera tónleikarnir yfirskriftina Á valdi tilfinninganna. Tengsl tónlistar við tilfinningalíf mannsins eru djúpstæð og margvísleg. Tónlistin gleður okkur, léttir okkur lund og kemur okkur jafnvel til að hlæja, en vekur einnig hjá okkur trega, sorg og samlíðan, kveikir með okkur ótta, reiði, kvíða og jafnvel örvæntingu. Klassíkin okkar er í ár helguð því magnaða litrófi tilfinninga sem tónlistin geymir og hvert okkar upplifir og túlkar með sínum hætti.

Á efnisskránni eru skemmtileg og hrífandi verk sem spanna allt litróf mannlegra tilfinninga. Þriggja vasaklúta aríur, spennuþrungnir örlagatónar, fagnaðarsöngvar, dillandi forleikir og dægurlög sem sameina kynslóðirnar í gleði og sorg, eftir tónskáld á borð við Mozart, Stravinskíj, Rossini, Copland, Beethoven og Bubba Morthens. Það er Bjarni Frímann Bjarnason sem heldur um tónsprotann í þessari tónlistarveislu og fjöldi glæsilegra listamanna kemur fram með Sinfóníuhljómsveitinni.