Eva Ollikainen

Hljómsveitarstjóri

 

Finnski hljómsveitarstjórinn Eva Ollikainen var aðalhljómsveitarstjóri Sinfóníuhljómsveitar Íslands frá 2020 til 2026. Hún stundaði tónlistarnám við Sibeliusarakademíuna í Helsinki og hreppti fyrstu verðlaun í Panula-keppninni fyrir unga hljómsveitarstjóra árið 2003. Samstarf hennar við Sinfóníuhljómsveit Íslands spannar rúm 20 ár eða allt frá árinu 2005. Eva hefur stjórnað mörgum virtum hljómsveitum, meðal annars útvarpshljómsveitunum í Finnlandi og Svíþjóð, fílharmóníusveitunum í Helsinki og Stokkhólmi, Sinfóníuhljómsveitinni í Vínarborg, Staatskapelle Dresden og Sinfóníuhljómsveit breska útvarpsins (BBC).