Hanna Dóra Sturludóttir

Mezzó-sópran

Hanna Dóra Sturludóttir mezzó-sópran hefur um árabil verið ein af okkar fremstu söngkonum og sungið mörg óperuhlutverk hérlendis og erlendis, nú síðast hlutverk Madame de Croissy í Dialogues des Carmélites eftir Poulenc við óperuna í Saarbrücken. Hún hlaut í fyrra Gelsenkirchener Theaterpreis fyrir hlutverk sitt í Innocence eftir Kaiju Saariaho og árið 2026 hreppti hún í annað sinn Íslensku tónlistarverðlaunin fyrir söng ársins í flokki sígildrar og samtímatónlistar en verðlaunin hlaut hún fyrst 2014 fyrir hlutverk Eboli í Don Carlo.

Hanna Dóra hefur á söngferli sínum komið fram sem einsöngvari með Sinfóníuhljómsveit Íslands við fjölmörg tækifæri og á starfsárinu 2026/27 tekur hún þátt í flutningi níundu sinfóníu Beethovens þann 8. og 9. október undir stjórn Edward Gardner.