EN

Jóna G. Kolbrúnardóttir

Einsöngvari

Jóna G. Kolbrúnardóttir er fædd og uppalin í Reykjavík. Hún var ung að árum þegar hún hóf að syngja og hefur sungið í ýmsum kórum bæði sem meðlimur og einsöngvari. Hún lauk burtfararprófi frá Söngskólanum í Reykjavík vorið 2014 undir leiðsögn Hörpu Harðardóttur. Haustið 2014 hélt hún í framhaldsnám til Vínarborgar. Þar lauk hún sumarið 2018 Bakkalárgráðu við Tónlistarháskólann undir leiðsögn Univ. Prof. Gabriele Lechner. Jóna hefur tekið þátt í ýmsum meistaranámskeiðum m.a. hjá Anne Sofie von Otter, Chritine Schäfer, Stephan Matthias Lademann og Regine Werner. 

Jóna kom fram sem einsöngvari með Sinfóníuhljómsveit Íslands á tónleikunum Ungir einleikarar í janúar 2017. Frá árinu 2016 hefur hún komið fram á tónleikum í tónleikaröðinni Pearls of Icelandic Songs. Jóna hlaut styrk úr Tónlistarsjóði Rótarýs í janúar 2018 og söng við styrktarafhendingu í Norðurljósasal Hörpu. Í nóvember 2018 þreytti hún frumraun sína hjá Íslensku Óperunni þar sem hún fór með hlutverk Grétu í óperunni “Hans og Gréta” í Hörpu. Jóna var einsöngvari á tónleikunum „Íslendingasögur - Sinfónísk sagnaskemmtun“ sem haldnir voru í Eldborg á fullveldishátíð Íslands 1. desember 2018 þar sem hún kom fram með Sinfóníuhljómsveit Íslands og öðrum listamönnum. Síðan ágúst 2019 stundar hún meistaranám við Óperu akademíuna við konunglegu Óperuna í Kaupmannahöfn undir handleiðslu Helene Gjerris og Susanna Eken. Jóna kom fram á Vínartónleikum Sinfóníunnar í janúar 2020. Hún fór með sitt fyrsta hlutverk við Konunglegu Óperuna í Kaupmannahöfn í september 2020 sem Papagena í Töfraflautunni eftir Mozart.