Olari Elts

Hljómsveitarstjóri

Olari Elts er aðalhljómsveitarstjóri Eistnesku þjóðarhljómsveitarinnar og var listrænn ráðgjafi Kammersveitarinnar í Kymi frá 2018 til 2023. Hann er þekktur fyrir hugmyndaríka og einstaklega fjölbreytta dagskrárgerð og er reglulegur gestur hjá hljómsveitum eins og Gewandhaus-hljómsveitinni í Leipzig, Fílharmóníusveit franska útvarpsins, Sinfóníuhljómsveit BBC, Fílharmóníusveitinni í Rotterdam og Hátíðarhljómsveitinni í Budapest. Sem talsmaður samtímatónlistar á Eystrasaltssvæðinu hefur hann gefið út hljóðritanir á verkum Erkki-Sven Tüür og Heino Eller sem hlotið hafa mikið lof gagnrýnenda.

Olari Elts stjórnaði Sinfóníuhljómsveit Íslands í fyrsta sinn árið 2003, þegar Víkingur Heiðar Ólafsson flutti þriðja píanókonsert Prokofievs og píanókonsert Jóns Nordals. Hann hefur komið tvisvar eftir það, árið 2015 og árið 2022, þegar hann stjórnaði sinfónískum dönsum Rakhmanínovs og frumflutti verk Páls Ragnars Pálssonar, Yfirráðandi kyrrð.