Dagsetning | Staðsetning | Verð |
---|---|---|
10. feb. 2023 » 12:00 - 13:00 » Föstudagur | Norðurljós | Harpa | Aðgangur ókeypis |
-
Efnisskrá
Wolfgang Amadeus Mozart Don Giovanni, forleikur
Ludwig van Beethoven Sinfónía nr. 1
Samuel Barber Adagio fyrir strengi
-
Leiðbeinandi
-
Hljómsveitarstjórar
Geirþrúður Anna Guðmundsdóttir
Hjörtur Páll Eggertsson
Helga Diljá Jörundsdóttir
Sóley Lóa Smáradóttir
Karl Friðrik Hjaltason
Ragnheiður Ingunn Jóhannsdóttir
Sinfóníuhljómsveit Íslands heldur nú í þriðja sinn námskeið í Hljómsveitarstjóra-akademíu undir stjórn og leiðsögn Evu Ollikainen aðalhljómsveitarstjóra Sinfóníuhljómsveitar Íslands. Í Hljómsveitarstjóra-akademíunni fær ungt og efnilegt tónlistarfólk tækifæri til þess að spreyta sig á stjórnendapallinum og stjórna heilli sinfóníuhljómsveit undir handleiðslu Evu.
Hljómsveitarstjóra-akademían fer fram föstudaginn 10. febrúar í Norðurljósum í Hörpu þar sem unnið verður með sinfóníu nr. 1 eftir Beethoven, Adagio fyrir strengi eftir Barber og forleikinn að Don Giovanni eftir Mozart. Gestir eru velkomnir á viðburðinn og geta fylgst með þessum ungu og efnilegu stjórnendum stíga sín fyrstu skref sem hljómsveitarstjórar. Aðgangur er ókeypis og allir velkomnir.