Hugmyndir að Regnbogakorti
Fyrirsagnalisti
Einleikarar og söngvarar í fremstu röð
Hver stjarnan á fætur annarri mætir til leiks á næsta starfsári. Píanóleikarinn Alice Sara Ott sækir Ísland heim ásamt einsöngvurunum Ninu Stemme og Stuart Skelton. Tónskáldið, fiðluleikarinn og söngkonan Caroline Shaw verður einnig gestur á starfsárinu sem og píanóleikarinn Francesco Piemontesi. Sellóleikarinn Kian Soltani leikur á þrennum tónleikum á starfsárinu en hann er jafnframt staðarlistamaður Sinfóníuhljómsveitar Íslands 2025/26.
Íslenska röðin
Á starfsárinu flytur Sinfóníuhljómsveit Íslands tónlist eftir íslensk tónskáld á borð við Önnu Þorvaldsdóttur, Hildi Guðnadóttur, Daníel Bjarnason, Báru Gísladóttur og Maríu Huld Markan Sigfúsdóttur.
Stórbrotið og spennandi
Ómissandi á Regnbogakort þeirra sem vilja kraftmikla og stórbrotna sinfóníutónleika. Hér má meðal annars finna tónlist efftir Wagner úr óperunni Tristan og Ísold, sinfóníu nr. 8 eftir Mahler og fiðlukonsert nr. 1 eftir Prokofíev.
Úr öllum áttum
Spennandi tónleikar úr öllum áttum sem eiga heima á þínu Regnbogakorti. Klassíkin okkar, Mugison og Sinfó, Harry Potter bíótónleikar, Vínartónleikar Sinfóníunnar, Portrett af Caroline Shaw, Elgar og Eldfuglinn, E.T bíótónleikar, Sköpun heimsins með Barböru Hannigan, Portrett af Magnúsi Jóhanni og Nærmynd af Hildi Guðnadóttur.