EN

Óperuveisla með Ólafi Kjartani

Áskrift að tónleikaröð eða Regnbogakorti tryggir þér öruggt sæti á besta verðinu með 20% afslætti
Dagsetning Staðsetning Verð
3. apr. 2025 » 19:30 » Fimmtudagur Eldborg | Harpa 2.900 - 9.800 kr.
4. apr. 2025 » 19:30 » Föstudagur Eldborg | Harpa 2.900 -9.800 kr.
Kaupa miða
  • Efnisskrá

    Aríur og óperuforleikir

  • Hljómsveitarstjóri

    Bjarni Frímann Bjarnason

  • Einsöngvarar

    Ólafur Kjartan Sigurðarson
    Gunnar Björn Jónsson
    Kristín Anna Guðmundsdóttir
    Kristín Sveinsdóttir

  • Kór

    Kór Langholtskirkju

  • Kórstjóri

    Magnús Ragnarsson

Ólafur Kjartan Sigurðarson, staðarlistamaður Sinfóníuhljómsveitar Íslands, hefur farið með himinskautum í heimi óperunnar á síðustu árum og sér ekki fyrir endann á sigurgöngu hans þar. Á undanförnum misserum hefur Ólafur komið fram í burðarhlutverkum á helstu sviðum óperuheimsins; í La Scala óperunni í Mílanó og á Wagnerhátíðinni í Bayreuth í Þýskalandi.

Hér býður Ólafur Kjartan til sannkallaðrar veislu — þetta er óperugala af bestu gerð þar sem glæsilegir gestir, söngvararnir Kristín Anna Guðmundsdóttir, Gunnar Björn Jónsson og Kristín Sveinsdóttir bregða sér í hin ýmsu hlutverk og syngja með Ólafi og Sinfóníuhljómsveit Íslands. Um tónsprotann heldur Bjarni Frímann Bjarnason.

Þessir tónleikar eru fullir af ástríðu, örlagaþrungnum aríum og dýrðlegum dúettum úr helstu perlum óperunnar, t.d. eftir Verdi, Puccini, Giordano og Bizet — ómissandi fyrir þá sem unna fögrum söng og óperutónlist.

*Tónleikarnir eru u.þ.b. tvær klst. með tuttugu mínútna hléi.