Tryggðu þér besta verðið með 20% afslætti með því að kaupa miða á ferna tónleika eða fleiri – Regnbogakort
| Dagsetning | Staðsetning | Verð |
|---|---|---|
| 26. feb. 2023 » 16:00 » Sunnudagur | Norðurljós | Harpa | 3.900 kr |
-
Efnisskrá
Johann Sebastian Bach Sellósvíta nr. 1
Benjamin Britten Ciaccona úr svítu nr. 2 fyrir einleiksselló, op. 80
Johann Sebastian Bach Sellósvíta nr. 3
Þuríður Jónsdóttir 48 Images of the Moon
Johann Sebastian Bach Sellósvíta nr. 5
-
Einleikari
Eins og svo margir var Sæunn Þorsteinsdóttir innilokuð um tíma meðan heimsfaraldur kórónuveiru gekk yfir. Snemma sumars 2020 pakkaði hún hins vegar sellóinu niður þar sem hún var stödd í Bandaríkjunum og hélt til Íslands. Markmiðið var að leika allar sex sellósvítur Bachs, eina í einu í sex mismunandi kirkjum vestur á fjörðum.
Á sumarsólstöðum fylltust guðshúsin af tónleikaþyrstum gestum sem margir fylgdu Sæunni, kirkju í kirkju – úr firði í fjörð, þar til loks síðasta svítan hljómaði við ysta haf þegar sólin rétt sleikti hafflötinn. Sæunn hljóðritaði svíturnar sex í framhaldinu og koma þær nú út á einleiksdiski undir merkjum bandarísku útgáfunnar Sono Luminus.
