Dagsetning | Staðsetning | Verð | |
---|---|---|---|
7. maí 2020 » 11:00 - 11:35 » Fimmtudagur | Eldborg | Harpa | Ókeypis | Streymi |
-
Efnisskrá
Antonio Vivaldi Vorið úr Árstíðunum, 1. kafli
John W. Bratton Lautarferð bangsanna
Atli Heimir Sveinsson Kvæðið um fuglana og Dimmalimm
Pjotr Tsjajkovskíj Dans svananna úr Svanavatninu
Ingi T Lárusson Ó, blessuð vertu sumarsól
Vittorio Monti Csárdás
Julius Fucik Mars skylmingarmeistaranna
-
Hljómsveitarstjóri
-
Konsertmeistari
Sigrún Eðvaldsdóttir
-
Kynnir
Trúðurinn Aðalheiður
-
Táknmálstúlkur
Eyrún Helga Aradóttir
Sinfóníuhljómsveit Íslands býður börnum um land allt á skólatónleika í beinu streymi frá Hörpu kl. 11 næstkomandi fimmtudag 7. maí. Í ljósi breyttra aðstæðna getur hljómsveitin nú sameinað krafta sína á ný á sviði í Eldborg og verða tónleikarnir sendir út í beinu streymi á vef hljómsveitarinnar og á RÚV 2.
Einnig tekur hljómsveitin á móti tveimur skólahópum í sal frá nágrannaskólum. Lilja Alfreðsdóttir Mennta- og menningarmálaráðherra mun ávarpa áheyrendur um land allt í upphafi skólatónleikanna.
Á tónleikunum verður leikin fjörmikil tónlist sem færir okkur vor í hjarta. Sigrún Eðvaldsdóttir konsertmeistari leikur Vorið úr Árstíðunum eftir Vivaldi og hjómsveitin flytur einnig Kvæðið um fuglana og Dans svananna ásamt öðrum skemmtilegum lögum. Kynnir er trúðurinn Aðalheiður, leikinn af Völu Kristínu Eiríksdóttur, og hljómsveitarstjóri er Bjarni Frímann Bjarnason.
Beina streymið er opið öllum og útsending hefst kl. 11:00. Tónleikarnir eru u.þ.b. 35 mínútur og eru túlkaðir á táknmáli.