Örlagasinfónía Beethovens

Fimmta sinfónía Beethovens er ein frægasta og áhrifamesta sinfónía allra tíma, stórbrotin tjáning á örlagaríkri glímu sem leiðir á endanum til sigurs. Eva Ollikainen, nýskipaður aðalstjórnandi Sinfóníuhljómsveitar Íslands, stjórnar verkinu. 

Einnig hljómar Aeriality, eitt mest flutta verk Önnu Þorvaldsdóttur, staðartónskálds Sinfóníuhljómsveitar Íslands. Anna er eitt virtasta samtímatónskáld heims og hefur hlotið fjölda verðlauna fyrir verk sín, sem eru leikin af fremstu tónlistarhópum um víða veröld. 

Miðasala er hafin á tónleikana
Í ljósi rýmkunar á samkomutakmörkunum getur hljómsveitin nú boðið gestum aftur í sal. Í samræmi við sóttvarnarlög verður sætaframboð á þessa tónleika takmarkað og nálægðarmörk milli gesta verða virt. 

Hér má nálgast leiðbeiningar fyrir tónleikagesti vegna komu á tónleika í Hörpu. Gestir eru vinsamlegast beðnir um að lesa leiðbeiningarnar vel áður en haldið er á tónleikana.

Tónleikarnir verða í beinni sjónvarpsútsendingu á RÚV og útvarpað á Rás 1.