Dagsetning | Staðsetning | Verð |
---|---|---|
19. nóv. 2020 » 20:00 » Fimmtudagur | Eldborg | Harpa | Aflýst |
-
Efnisskrá
Outi Tarkiainen Songs of the Ice, frumflutningur
Ludwig van Beethoven Rómansa í F-dúr op. 50
George Walker Lyric fyrir strengjasveit
Matthew Hightower Túbukonsert
Jean Sibelius Dóttir norðursins
-
Hljómsveitarstjóri
-
Einleikarar
Una Sveinbjarnardóttir fiðla
Nimrod Ron túba
Í ljósi samkomutakmarkana vegna útbreiðslu kórónuveirunnar hefur Sinfóníuhljómsveitar Íslands ákveðið að aflýsatónleikunum. Miðahafar geta nýtt upphæðina á aðra tónleika hljómsveitarinnar eða fengið miðana endurgreidda í miðasölu Hörpu.
Nýtt og gamalt fléttast listilega saman á þessari efnisskrá sem spannar allt frá Beethoven til nýrrar tónlistar. Outi Tarkianen er fædd í Lapplandi og hefur hlotið mikið lof fyrir tónlist sína, meðal annars tilnefningu til Tónlistarverðlauna Norðurlandaráðs 2018. Nýjasta verk hennar er innblásið af ís á Norðurslóðum og hægu ferli árstíðanna.
Hin ljóðræna fiðlurómansa Beethovens hljómar í flutningi Unu Sveinbjarnardóttur, og nýlegur túbukonsert bandaríska tónskáldsins Matthew Hightower í flutningi Nimrods Ron, en bæði eru fastráðin hjá Sinfóníuhljómsveit Íslands og í hópi fremstu tónlistarmanna hér á landi.
George Walker var fyrsta svarta tónskáldið til að hljóta Pulitzer-verðlaunin í tónlist og Lyric fyrir strengi er hans þekktasta verk, ljóðrænt og innilegt. Tónleikunum lýkur á norðurslóðum, með meistaraverki Sibeliusar sem sótti innblástur í finnsk þjóðkvæði og goðsagnir.
Miðasala er hafin á tónleikana
Í ljósi hertra samkomutakmarkanna er miðaframboð á tónleikana takmarkað við 100 manns í hvert sóttvarnarhólf. Í það minnsta eitt autt sæti er á milli allra pantana til að tryggja nálægðarmörk milli gesta. Athugið að samkvæmt sóttvarnarlögum ber gestum skylda að vera með grímu á tónleikunum. Við biðjum tónleikagesti að gæta vel að sóttvarnarreglum og kynna sér leiðbeiningar til tónleikagesta áður en mætt er á tónleikana. Stöndum saman, við erum öll almannavarnir.