Ungsveitin spilar Rakhmanínov

Ungsveit Sinfóníuhljómsveitar Íslands var stofnuð árið 2009 og er einn af máttarstólpunum í hljómsveitarstarfi ungs tónlistarfólks á Íslandi. Ár hvert safnast tæplega hundrað ungmenni saman og flytja eitt af meistaraverkum tónlistarsögunnar.

Að þessu sinni hljómar eitt dáðasta síð-rómantíska verk allra tíma, önnur sinfónía Rakhmanínovs, en verkið hefur verið fastagestur á efnisskrám hljómsveita um allan heim frá því það hljómaði fyrst árið 1908. Á tónsprotanum heldur Kornilios Michailidis og stjórnar hann nú Ungsveitinni í fyrsta sinn.