Schumann og Schubert

„Hrein fullkomnun“ segir rýnir tímaritsins Gramophone um túlkun austurríska sellóleikarans Kian Soltani og The Times kallar hann „stórmerkilegan sellista“. Soltani vakti fyrst heimsathygli þegar hann vann fyrstu verðlaun í Paulo- sellókeppninni í Helsinki árið 2013. Síðan hefur ferill hans verið samfelld sigurganga, með tónleikum í Carnegie Hall og útgáfusamningi við Deutsche Grammophon. Á Íslandi leikur hann ljóðrænan og tilfinningaþrunginn sellókonsert Schumanns, sem tónskáldið samdi undir lok ævinnar.

Í níundu sinfóníu sinni er Schubert í sínu besta formi, lagræn gáfa hans og léttleiki er í forgrunni. Þótt verkið sé stórkostlegt hljómaði það ekki á opinberum tónleikum meðan tónskáldið sjálft lifði. Það var einmitt Schumann sem fann nóturnar í gömlu blaðarusli níu árum eftir að Schubert lést, vakti athygli á verkinu og sá til þess að það yrði flutt.

Hljómsveitarstjóri er Eva Ollikainen, aðalhljómsveitarstjóri Sinfóníuhljómsveitar Íslands.