Klassíkin okkar: Tónlistarsagan þín

Tónleikarnir Klassíkin okkar hafa vakið geysimikla athygli undanfarin ár og verða nú haldnir í fjórða sinn í samstarfi við RÚV. Í ár var kallað eftir sögum af því hvernig sígild tónverk hafa haft áhrif á Íslendinga, hvernig þau minna á merkilega atburði eða minnisstæðar manneskjur – nú eða bara lita hversdagslífið. Úrval þeirra verka sem tilnefnd eru verður flutt á sérstökum hátíðartónleikum í Eldborg sem um leið eru upptaktur að glæsilegu starfsári Sinfóníuhljómsveitarinnar.

Fjöldi tillagna barst í þetta sinn og verður efnisskráin með einkar fjölbreyttu móti. Verk úr einleikskonsertum, kórverkum og óperuaríur hljóma ásamt tilþrifamiklum hljómsveitarverkum og spannar efnisskráin allt frá barokktímanum til síðustu ára.

Meðal verkanna sem hljóma eru Kanón eftir Pachelbel, Hallelúja-kórinn úr Messíasi, þættir úr sálumessu Mozarts, Nimrod úr Enigma-tilbrigðum Elgars og aríur úr óperunum Madama Butterfly og La bohème eftir Puccini. Hljómsveitarstjóri er Daníel Bjarnason en einnig kemur fram fjöldi einsöngvara, einleikara og kóra enda efnisskráin bæði fjölbreytt og sérlega glæsileg.

Tónleikarnir verða sýndir í beinni útsendingu vef RÚV.