EN

Níunda sinfónía Beethovens

Áskrift veitir þér 20% afslátt af miðaverði. Tryggðu þér áskrift eða endurnýjaðu áskriftina þína hér á vefnum.
Dagsetning Staðsetning Verð
16. sep. 2021 » 19:30 » Fimmtudagur Eldborg | Harpa 2.900 – 8.500 kr.
17. sep. 2021 » 19:30 » Föstudagur Eldborg | Harpa 2.900 – 8.500 kr.
Kaupa miða
  • Efnisskrá

    Sofia Gubaidulina Fachwerk
    Ludwig van Beethoven Sinfónía nr. 9

  • Hljómsveitarstjóri

    Eva Ollikainen

  • Einleikari

    Geir Draugsvoll

  • Einsöngvarar

    Hallveig Rúnarsdóttir, Sigríður Ósk Kristjánsdóttir, Stuart Skelton og Jóhann Kristinsson

  • Kórar

    Mótettukórinn og Söngsveitin Fílharmónía

Tónleikakynning í Hörpuhorni » 16. sep. kl. 18:00

Níunda sinfónían er eitt dáðasta verk tónlistarsögunnar, síðasta sinfónía Beethovens en sú fyrsta í tónlistarsögunni þar sem notast var við söngvara. Hún hafði feykileg áhrif á þróun sinfóníunnar á 19. öld og meðal þeirra sem sömdu verk undir áhrifum hennar má nefna Mendelssohn og Brahms, Bruckner og Mahler. Lokakaflinn, Óðurinn til gleðinnar, hefur ekki síður verið áhrifavaldur á 20. og 21. öld. Tónlistin þykir boðberi friðar og jafnréttis, og verkið hljómaði meðal annars í tengslum við hrun Berlínarmúrsins og byltingu námsmanna á Torgi hins himneska friðar í Kína.

Úrvalslið tónlistarmanna tekur þátt í flutningnum. Hallveig Rúnarsdóttir og Sigríður Ósk hafa um árabil verið meðal fremstu söngkvenna þjóðarinnar. Stuart Skelton er í flokki fremstu tenórsöngvara heims og var kosinn Söngvari ársins á Íslensku tónlistarverðlaununum 2021. Jóhann Kristinsson hefur vakið mikla hrifningu fyrir blæbrigðaríkan og innblásinn söng; „Rödd hans var dásamleg“, sagði gagnrýnandi Fréttablaðsins fyrir skemmstu, „í senn breið og voldug.“

Norðmaðurinn Geir Draugsvoll er einn fremsti harmóníkuleikari heims. Hann hefur um árabil starfað náið með Sofiu Gubaidulinu, sem hefur samið allnokkur verk fyrir bajan, eða rússneska takkaharmóníku. Gubaidulina tileinkaði honum einmitt Fachwerk, sem gagnrýnandi BBC Music Magazine segir vera „töfrandi ljóðræna fantasíu“, og sem hljómar nú í fyrsta sinn á Íslandi. Draugsvoll leikur tvisvar sinnum með Sinfóníuhljómsveit Íslands á þessu starfsári, í bæði skiptin hrífandi tónsmíðar Gubaidulinu sem einmitt fagnar níræðisafmæli sínu í október 2021.

Tónleikarnir eru tileinkaðir Vladimir Ashkenazy í þakklætisskyni fyrir áratuga starf hans í þágu tónlistarlífs á Íslandi.