EN
  • Klassíkin okkar

Klassíkin okkar -
uppáhalds íslenskt

Tryggðu þér sæti á besta verðinu - Veldu ferna eða fleiri tónleika á Regnbogakort með 20% afslætti.
  • 31. ágú. 2018 » 20:00 Eldborg | Harpa 2.500 - 4.700 kr.
  • Kaupa miða
  • Efnisskrá

    Sigfús Einarsson Draumalandið
    Karl O. Runólfsson Í fjarlægð
    Sigvaldi Kaldalóns Ave Maria
    Páll Ísólfsson Í dag skein sól
    Jón Leifs Íslenskur rímnadans op. 11 nr. 4
    Jón Nordal Hvert örstutt spor
    Jórunn Viðar Vökuró
    Magnús Blöndal Jóhannsson Sveitin milli sanda
    Atli Heimir Sveinsson Snert hörpu mína
    Sigurður Þórðarson Sjá, dagar koma
    Páll Ísólfsson Brennið þið, vitar
    Þorkell Sigurbjörnsson Heyr himna smiður
    Jón Ásgeirsson Hjá lygnri móðu
    Jón Nordal Smávinir fagrir
    Atli Heimir Intermezzo úr Dimmalimm
    Hildigunnur Rúnarsdóttir Sanctus úr Guðbrandsmessu
    Þorkell Sigurbjörnsson Siciliano úr Columbine
    Daníel Bjarnason Bow to String, 3. kafli
    Jórunn Viðar Eldur
    Páll Ísólfsson Úr útsæ rísa íslands fjöll

  • Hljómsveitarstjóri

    Daníel Bjarnason

  • Einleikarar

    Emilía Rós Sigfúsdóttir
    Sæunn Þorsteinsdóttir

  • Einsöngvarar

    Hallveig Rúnarsdóttir
    Hildigunnur Einarsdóttir
    Sveinn Dúa Hjörleifsson
    Þóra Einarsdóttir

  • Kórar

    Gradualekór Langholtskirkju
    Hamrahlíðarkórinn
    Karlakórinn Fóstbræður
    Skólakór Kársness
    Söngsveitin Fílharmónía
    Fleiri kórar tilkynntir síðar

  • Kynnar

    Halla Oddný Magnúsdóttir og
    Guðni Tómasson

Tónleikarnir „Klassíkin okkar“ sem Sinfóníuhljómsveit Íslands og RÚV hafa staðið fyrir undanfarin tvö ár hafa vakið fádæma hrifningu meðal landsmanna. Í tilefni þess að 100 ár eru liðin frá því að Ísland varð fullveldi var leikurinn endurtekinn með áherslu á íslenska tónlist 20. og 21. aldar. Landsmenn gátu valið eftirlætis íslensku tónverkin sín í kosningu á ruv.is og munu þau tónverk sem voru hlutskörpust hljóma á sérstökum hátíðartónleikum í Eldborg sem um leið er upptaktur að glæsilegu starfsári Sinfóníuhljómsveitar Íslands.

Einleikarar á tónleikunum verða Sæunn Þorsteinsdóttir sem leikur Bow to String eftir Daníel Bjarnason og Emilía Rós Sigfúsdóttir sem flytur Siciliano eftir Þorkel Sigurbjörnsson. Einsöngvarar verða Hallveig Rúnarsdóttir, Hildigunnur Einarsdóttir, Sveinn Dúa Hjörleifsson og Þóra Einarsdóttir. Einnig koma fram Karlakórinn Fóstbræður undir stjórn Árna Harðarsonar, Gradualekór Langholtskirkju undir stjórn Þorvalds Arnar Davíðssonar, Hamrahlíðarkórinn undir stjórn Þorgerðar Ingólfsdóttur, Skólakór Kársness undir stjórn Álfheiðar Björgvinsdóttur og Söngsveitin Fílharmónía undir stjórn Magnúsar Ragnarssonar. Hljómsveitarstjóri á tónleikunum er Daníel Bjarnason.

Kynnar eru Halla Oddný Magnúsdóttir og Guðni Tómasson en tónleikarnir verða í beinni sjónvarpsútsendingu á RÚV.