Laus staða verkefnastjóra sviðs- og tæknimála
Sinfóníuhljómsveit Íslands óskar eftir að ráða verkefnastjóra sviðs- og tæknimála til starfa í öflugu starfsliði hljómsveitarinnar. Leitað er að áhugasömum og metnaðarfullum einstaklingi sem býr yfir drifkrafti og góðum samskiptaeiginleikum.
Starfssvið
- Ábyrgð á áætlun og þarfagreiningu sviðs- og tæknimála SÍ í tengslum við æfingar, tónleika og tónleikaferðir.
- Sviðsþjónusta, skipulag á uppsetningu og breytingum á sviði.
- Skipulag vinnutíma og verkaskiptingar sviðs- og tæknifólks.
- Umsjón með hljóðfærum í eigu hljómsveitar og flutningi þeirra.
- Ábyrgð á viðhaldi og viðgerðum muna og innréttinga SÍ.
Menntunar- og hæfniskröfur
- Reynsla og/eða menntun á sviði stjórnunar og verkstýringar.
- Reynsla af áætlanagerð og þarfagreiningu sviðs- og tæknimála.
- Þekking á hljóðfæraskipan og sviðsuppsetningu sinfóníuhljómsveita kostur.
- Þekking á sértækum tölvukerfum sem nýtast í starfi kostur.
- Skipulags- og samskiptahæfni.
- Sjálfstæði og frumkvæði í starfi.
- Góð íslensku- og enskukunnátta skilyrði.
Umsóknarfrestur er til og með 10. desember n.k. Umsækjendur eru beðnir um að senda umsókn og starfsferilskrá á starf@sinfonia.is
Nánri upplýsingar veitir Una Eyþórsdóttir, mannauðsstjóri Sinfóníuhljómsveitar Íslands (una@sinfonia.is) í síma 898-5017.
---
Sinfóníuhljómsveit Íslands er ein stærsta menningarstofnun landsins með um 100 manna starfslið.Hljómsveitin heldur úti fjölbreytilegri tónleikadagskrá, hljóðritar til innlendrar og erlendrar útgáfu, fer í tónleikaferðir innanlands og utan, auk þess sem hún stendur fyrir metnaðarfullu fræðslustarfi fyrir börn og fullorðna. Aðsetur Sinfóníuhljómsveitarinnar er í Hörpu.
- Eldri frétt
- Næsta frétt