Ungu fólki boðið á Rómeó og Júlíu
Slólatónleikar Sinfóníuhljómsveitar Íslands
Í vikunni býður Sinfóníuhljómsveit Íslands ungu fólki í efri bekkjum grunnskóla á tónleika í Eldborg þar sem flutt verður Rómeó og Júlía eftir Prokofíev.
Leikararnir Esther Talía Casey og Jóhannes Haukur Jóhannesson eru sögumenn og stíga í hlutverk ungu elskendanna. Hljómsveitarstjóri er Baldur Brönnimann og handritshöfundur er Ólafur Egilsson.
Haldnir verða alls fimm tónleikar í þessari viku og eru þeir liður í metnaðarfullu fræðslustarfi sveitarinnar. Á hverju ári eru haldnir fjölmargir skólatónleikar fyrir nemendur, allt frá leikskólaaldri upp í menntaskólanema, þar sem ungu fólki gefst tækifæri á að kynnast klassískri tónlist í tali og tónum.
- Eldri frétt
- Næsta frétt