Sinfónían leikur á Norræna kirkjutónlistarmótinu
Sinfóníuhljómsveit Íslands leikur á opnunartónleikum Norræna kirkjutónlistarmótsins sem haldið er í Reykjavík frá 6.-9. september n.k. Tónleikarnir eru haldnir í Hallgrímskirkju fimmtudaginn 6. september kl. 19.00. Flytjendur á opnunartónleikunum eru Sinfóníuhljómsveit Íslands, Mótettukór Hallgrímskirkju, Sönghópurinn Hljómeyki ásamt Þóru Einarsdóttur sópran, Tobias Nilsson kontratenór og Guðnýju Einarsdóttur organista. Stjórnandi er Hörður Áskelsson.
Norræna kirkjutónlistarmótið er samstarfsverkefni organistafélaganna á Norðurlöndum, haldið fjórða hvert ár, til skiptis í löndunum fimm. Í þetta sinn eru skráðir yfir 500 þátttakendur, organistar og kórfólk frá öllum Norðurlöndum.
Efnisskrá tónleikanna :
Mist Þorkelsdóttir (1960) Hugleiðingar um síðustu stundir Kolbeins Tumasonar (2008)
Fyrir rörklukkur og strengi.
Þorkell Sigurbjörnsson (1938) Heyr himna smiður
Kór a cappella
Texti: Kolbeinn Tumason (1173-1208)
Hjálmar H. Ragnarsson (1952) Konsert fyrir orgel og hljómsveit (1997)
Jón Nordal (1926) Óttusöngvar á vori (1993)
Hljómsveitarbúningur 2000/2012
- Eldri frétt
- Næsta frétt