12. janúar 2015

Sibeliusar-þríleikurinn

150 ár frá fæðingu Sibeliusar

Þess er nú minnst í Finnlandi og um allan heim að 150 ár eruð liðin frá fæðingu finnska tónskáldsins Jean Sibelius en hann fæddist í Hämeenlinna í Finnlandi 8. desember 1865. Auk hinna sjö sinfónía sem Sibelius samdi skrifaði hann fjölda hljómsveitarverka sem gjarna byggja á menningararfi Finna. Þar má nefna Finlandia, Karelia-svítuna og Kullervo sem einmitt hljómar á tónleikum Sinfóníuhljómsveitar Íslands 22. janúar. 

Jean Sibelius hefur fylgt Sinfóníuhljómsveit Íslands frá upphafi en á fyrsta starfsári hennar, 1950, voru heilir tónleikar tileinkaðir verkum hans.

Í tilefni tímamótanna er tónskáldinu gert hátt undir höfði í dagskrá Sinfóníunnar árið 2015. Þrír landar Jean Sibeliusar stjórna Sinfóníuhljómsveit Íslands á jafnmörgum tónleikum á vormisseri. Petri Sakari stjórnar flutningi á Kullervo með karlakórum; Reykjavíkur og Fóstbræðrum 22. janúar. Tvær sinfóníur verða fluttar; nr. 3 undir stjórn Osmo Vänskä 5. febrúar og nr. 1 undir stjórn Önnu-Mariu Helsing 12. mars. Í október, á næsta starfsári, flytur hljómsveitin svo tónaljóðið Luonnotar ásamt einsöngvara. 

Hægt er að kaupa sérstakan miða, Sibeliusar-þríleikinn, þar sem 20% afsláttur er veittur af miðaverði þegar miðar eru keyptir á alla þrenna tónleikana.

22. janúar: Machbeth og Kullervo

5. febrúar: Sinfóníur nr. 3 með Osmo 
12. mars: Anna-Maria stjórnar Sibeliusi 

Miðinn á Síbelíusar-þríleikinn fæst í miðasölu Hörpu. Sími 528-5050.

Eins og fyrr sagði er tímamótanna minnst um allan heim. Á sérstakri heimasíðu afmælisársins má kynna sér dagskrána í Finnlandi og víðar.
Sibelius 150