26. apríl 2016

Osborne á opnum masterklass í LHÍ

Skoski píanóleikarinn Steven Osborne leikur einleik með Sinfóníuhljómsveit Íslands í þriðja skipti á tónleikum nk. fimmtudagskvöld. Í tilefni að því mun hann einnig halda masterklass í Sölvhóli, sal Listaháskóla Íslands, miðvikudaginn 27. apríl kl. 15.

Steven Osborne  vann til fyrstu verðlauna í Clara Haskil og Naumburg píanókeppnunum og árið 1999 hlaut hann heiðurstitil BBC; New Generation Artist. Píanóleikur og upptökur hans hafa hlotið frábæra dóma og viðurkenningar, m.a. BBC Music Award Best of the Year, Gramophone Critics Choice, Deutscher Schallplattenpreis, Gramophone Awards o.fl.

Í masterklassinum munu nemendur LHÍ leika verk eftir Bach og Messiaen. Allir eru velkomnir og aðgangur ókeypis.

Sölvhóll er tónleikasalur Listaháskóla Íslands við Sölvhólsgötu, gengið inn frá Skúlagötu. 

Um tónleikana