6000 grunnskólanemar koma í heimsókn í vikunni
Í þessari viku býður Sinfóníuhljómsveit Íslands 6000 grunnskólanemum á skólatónleika í Eldborg í Hörpu.
Á tónleikunum lifnar töfraheimur kvikmyndanna við í meðförum Sinfóníuhljómsveitar Íslands sem leikur ódauðlegar perlur af hvíta tjaldinu, glæsilegar syrpur í hljómsveitarbúningi og eftirlætislögin úr ýmsum kvikmyndunum. Tónlistin öðlast nýja vídd í líflegum kynningum og leikrænum tilþrifum leikarans knáa, Góa. Hljómsveitarstjóri er Bernharður Wilkinson.
Haldnir verða alls fimm skólatónleikar að þessu sinni og eru þeir liður í metnaðarfullu fræðslustarfi sveitarinnar. Árlega eru haldnir fjölmargir tónleikar fyrir nemendur, allt frá leikskólaaldri upp í menntaskólanema, þar sem ungu fólki gefst tækifæri á að kynnast klassískri tónlist í tali og tónum.
- Eldri frétt
- Næsta frétt