Fyrirlestur Árna Heimis 1. september
101 Klassísk tónlist -allri velkomnir
Mánudagskvöldið 1. september stendur Vinafélag Sinfóníuhljómsveitar Íslands fyrir fyrirlestri Árna Heimis Ingólfssonar.
Í fyrirlestrinum sem hefst kl. 20 í Kaldalóni í Hörpu, stiklar Árni Heimir á stóru um sögu klassískrar tónlistar, sinfóníuformið og ólíkar leiðir til þess að njóta sígildrar tónlistar.Kynningin er sérstaklega ætluð þeim sem hafa lítil kynni haft af klassískri tónlist en hafa áhuga á að kynnast þeim töfrum sem hún býr yfir.
Sérstök áhersla verður lögð á að kynna hápunkta vetrarins í dagskrá Sinfóníunnar og að erindinu loknu verður Árni Heimir til ráðgjafar um val á tónleikum fyrir Regnbogaáskrift.
Frítt inn og allir velkomnir meðan húsrúm leyfir.
- Eldri frétt
- Næsta frétt