Skólahljómsveit Árbæjar og Breiðholts leikur með SÍ
Sinfóníuhljómsveit Íslands og Skólahljómsveit Árbæjar og Breiðholts æfa saman í Eldborg
Samstarfsverkefni Sinfóníuhljómsveitar Íslands og Skólahljómsveitar Árbæjar og Breiðholts hófst með heimsókn SÍ í Breiðholtsskóla síðasta vor. Þá léku sveitirnar saman hálftímalanga dagskrá. Í morgun var fyrsta æfing sveitanna á nýju starfsári þar sem B- og C-sveitir léku með Sinfóníuhljómsveitinni skemmtilegt úrval laga og eitt jólalag sem C-sveitin leikur á jólatónleikum Sinfóníuhljómsveitarinnar í desember. Áður en æfingin hófst var boðið upp á kleinur og djús en síðan tók alvaran við og nemendur stigu á svið í Eldborg og stóðu sig frábærlega vel. Mikil og góð stemning ríkti á æfingunni og mikil tilhlökkun að ljúka verkefninu í vor á sameiginlegum stórtónleikum.
Nánar má lesa um heimsóknina hér á vef Reykjavíkurborgar.
- Eldri frétt
- Næsta frétt