Sinfónían tilnefnd til Íslensku tónlistarverðlaunanna
Tilnefningar til Íslensku tónlistarverðlaunanna 2015 voru kynntar föstudaginn 5. febrúar. Sinfóníuhljómsveit Íslands og samverkamenn hlutu alls 6 tilnefningar.
Jóladiskur Sinfóníunnar, Jólalög, er tilnefndur sem plata ársins í opnum flokki.
Hljómsveitin er tilnefnt ásamt Íslensku óperunni og Daníel Bjarnasyni, staðarlistamanni Sinfóníunnar, sem flytjandi ársins fyrir Peter Grimes á Listahátíð í maí. Þá er flutningurinn á óperunni einnig tilnefndur sem tónlistarviðburður ársins.
Tónleikar John Grant og Sinfó á Iceland Airwaves eru einnig tilnefndir sem tónlistarviðburður ársins.
Þóra Einarsdóttir er tilnefnd sem söngkona ársins fyrir söng í verkum Sibeliusar; Kullervo í janúar og Luonnotar í október ásamt Sinfóníuhljósveit Íslands.
Þá er tónverkið Collider sem Sinfóníuhljómsveit Íslands pantaði af Daníel Bjarnasyni ásamt Sinfóníuhljómsveitinni í Cincinatti og frumflutti hérlendis í nóvember tilnefnt sem tónverk ársins.
- Eldri frétt
- Næsta frétt