Vegna COVID-19 og mannamóta
Á meðan ekki er samkomubann í gildi á Íslandi er mikilvægt að gæta vel að smitvörnum á viðburðurðum. Almennt eigum við ekki að vera í mikilli nálægð við aðra þegar við finnum fyrir flensulíkum einkennum. Sérstaklega er þetta mikilvægt fyrir þá sem annað hvort hafa verið á skilgreindum hættusvæðum eða verið í tengslum við einstaklinga með staðfest eða grunað smit. Þessir aðilar ættu að forðast samneyti við aðra einstaklinga og vera í sóttkví. Vitað er að eldri borgarar og þeir sem glíma við undirliggjandi sjúkdóma (t.d. sykursýki, hjarta- og æðasjúkdóma, langvinna lungnateppu, langvinna nýrnabilun og krabbamein) eru í mestri hættu með að fá alvarleg einkenni COVID-19. Á fjölmennum viðburði er einkar mikilvægt að huga vel að persónulegu hreinlæti; þvo hendur reglulega, nota handspritt þegar þörf krefur og hnerra eða hósta í einnota þurrku eða í olnbogabótina. Tónleikagestir í Hörpu hafi greiðan aðgang að heitu vatni og sápu og einnota þurrkum á snyrtingum og handspritti víðsvegar í framhúsi Hörpu.
Þeir sem geta ekki mætt á tónleikana Sinfóníuhjómsveitar Íslands vegna ofnagreindara ástæðna geta fært miðana á aðra tónleika eða fengið þá endurgreidda í miðasölu Hörpu. Ef frekri spurningar vakna hvetjum við ykkur að hafa samband við miðasölu í síma 528-5050 eða á netfangið midasala@harpa.is
Nánari upplýsingar um tilmæli almannavarna varðandi mannamót má finna hér: https://www.facebook.com/Almannavarnir/posts/3148184625213299
- Eldri frétt
- Næsta frétt