2018 (Síða 3)

Nýtt starfsár Sinfóníuhljómsveitar Íslands hefur verið kynnt til leiks. Dagskráin á næsta starfsári verður fjölbreytt og glæsileg, prýdd úrvalsliði innlendra og erlendra listamanna. Kynningarbæklingur hefur verið borinn í hús til áskrifenda og endurnýjun er hafin hér á sinfonia.is. 

ÁSKRIFTARAÐIR Regnbogakort  ENDURNÝJA

St. Petersburg Festival Ballet snýr aftur í Hörpu og sýnir Hnotubrjótinn við tónlist Pjotrs Tsjajkvoskíjs í flutningi Sinfóníuhljómsveitar Íslands. Alls verða fjórar balletsýningar dagana 22. - 24. nóvember en sýningar dansflokksins hafa fest sig í sessi á Íslandi og börn jafnt sem fullorðnir hlakka árlega til þess að njóta uppfærslunnar.

Sinfóníuhljómsveit Íslands auglýsir lausa stöðu leiðara í trompetdeild. Hæfnispróf verður haldið 25. -26. september 2018 í Hörpu, Reykjavík. Umsóknarfrestur er til 30. júní 2018. Nánar má lesa um stöðuna hér.

Í þriðja sinn taka Sinfóníuhljómsveitin og RÚV höndum saman og gefa landsmönnum kost á að ráða efniskránni á fyrstu tónleikum hljómsveitarinnar á næsta starfsári. Í tilefni af 100 ára fullveldisafmæli Íslands er áherslan á íslenska tónlist.

Á meðan á kosningunni stendur verður Rás 1 með þætti á föstudögum kl. 14:03 í umsjón Guðna Tómassonar þar sem tónlistin er kynnt.

Kjóstu þitt uppáhalds verk

Bjarni Frímann Bjarnason hefur verið ráðinn aðstoðarhljómsveitarstjóri SÍ til tveggja ára, frá og með næsta starfsári. Sem aðstoðarhljómsveitarstjóri mun Bjarni Frímann gegna veigamiklu og fjölþættu hlutverki hjá hljómsveitinni. 

Í þessari viku stjórnar Bjarni Frímann hljómsveitinni í verkinu Stríð eftir Ragnar Kjartansson og Kjartan Sveinsson sem sýnt er í Þjóðleikhúsinu 16., 17. og 18. maí næstkomandi.

Tónskáldin Haukur Þór Harðarson og Ingibjörg Ýr Skarphéðinsdóttir voru valin til þátttöku í Yrkju IV. Þau munu starfa með hljómsveitinni á næstu misserumn undir handleiðslu Önnu Þorvaldsdóttur, staðartónskálds Sinfóníuhljómsveitar Íslands. 

Verk þeirra verða síðan frumflutt á sérstökum uppskerutónleikum föstudaginn 1. febrúar í Norðurljósum.

Sinfóníuhljómsveit Íslands auglýsir lausar til umsóknar sex stöður: Tímabundna stöðu uppfærslumanns í 2. fiðlu, stöðu uppfærslumanns í víóludeild, stöðu víóluleikara, stöðu leiðara í kontrabassadeild, stöðu uppfærslumanns í sellódeild og stöðu sellóleikara. Umsóknarfrestur er til og með 3. júní 2018.

Vladimir Ashkenazy, aðalheiðursstjórnandi Sinfóníuhljómsveitar Íslands, var sæmdur stórkrossi hinnar íslensku fálkaorðu fyrir framlag til íslenskrar menningar og tónlistarlífs við hátíðlega athöfn á Bessastöðum 19. apríl.

Í nóvember mun hljómsveitin halda í þriggja vikna tónleikaferð til Japans undir stjórn Ashkenazys þar sem markmiðið er að kynna land og þjóð og halda upp á farsælt og áralangt samstarfhljómsveitarinnar og Ashkenazy.

Í þessari viku tók Sinfóníuhljómsveit Íslands á móti tæplega 3.000 ungmennum úr 7 framhaldsskólum af höfuðborgarsvæðinu.

Á tónleikunum hljómaði sívinsæl kvikmyndatónlist eftir John Williams auk þess sem hljómsveitin minnist kvikmynda-tónskáldsins Jóhanns Jóhannssonar, sem lést í febrúar á þessu ári, og lék tvö verk úr kvikmyndinni Theory of Everything.

Tvö tónskáld voru valin til að skrifa verk fyrir Sinfóníuhljómsveit Íslands. Það eru Ingibjörg Ýr Skarphéðinsdóttir og Haukur Þór Harðarson sem þegar hafði verið valin til þátttöku. Þau vinna undir handleiðslu Önnu Þorvaldsdóttur, staðartónskálds Sinfóníuhljómsveitar Íslands.