Fréttasafn
2017 (Síða 4)
Fyrirsagnalisti
Yrkja III - Auglýst eftir umsóknum
Tónverkamiðstöð og Sinfóníuhljómsveit Íslands kalla nú eftir umsóknum frá tónskáldum um þátttöku í þriðja hluta YRKJU.
YRKJA er starfsþróunarverkefni Tónverkamiðstöðvar og veitir tónskáldum sem stödd eru á fyrri hluta starfsferils síns, tækifæri til að vinna með Sinfóníuhljómsveit Íslands undir handleiðslu Daníels Bjarnasonar staðarlistamanns hljómsveitarinnar.
Umsóknarfrestur er til og með 15. maí 2017.
Lesa meiraFjórar stjörnur í Gautaborg
Sinfóníuhljómsveit Íslands lék fyrir fullum sal í tónleikahúsinu í Gautaborg síðastliðinn miðvikudag. Hjómsveitin fékk frábæra umfjöllun í sænskum og breskum fjölmiðlum.Sænska dagblaðið Dagens Nyheter og breski tónlistarvefurinn Bachtracks gáfu tónleikunum fjórar stjörnur.
„Tónleikaferð Sinfóníuhljómsveitar Íslands til Gautaborgar var sannkölluð sigurför og sýnir að hljómur sveitarinnar verðskuldar að heyrast oftar erlendis.“ - Gagnrýnandi Bachtracks.
Lesa meiraNýr diskur með íslenskri hljómsveitartónlist
Nýr diskur með íslenskum hljómsveitarverkum í flutningi Sinfóníuhljómsveitar Íslands er kominn út.
Á honum má heyra verk eftir Önnu Þorvaldsdóttur, Mariu Huld Markan Sigfúsdóttur, Hlyn A. Vilmarsson, Þuríði Jónsdóttur og Daníel Bjarnason sem jafnframt er hljómsveitarstjóri. Diskurinn hefur fengið góðar viðtökur erlendis og er fáanlegur í verslunum Eymundssonar, Smekkleysu, 12 tónum og Epal í Hörpu.
Lesa meiraStreymt beint frá tónleikum í Gautaborg 19. apríl
Sinfóníuhljómsveit Íslands heldur í tónleikaferð til Gautaborgar og leikur þar í hinu víðfræga tónleikahúsi borgarinnar 19. apríl. Tónleikunum verður streymt hér á vef hljómsveitarinnar kl. 17:30 að íslenskum tíma.
Víkingur Heiðar Ólafsson er einleikari og hljómsveitarstjóri er Yan Pascal Tortelier, aðalstjórnandi hljómsveitarinnar.
Vögguvísur frá öllum heimshornum
Í þessari viku heldur Sinfóníuhljómsveitin sannkallaða heimstónleika og leikur vögguvísur frá ólíkum heimshornum í Norðurljósum. Tónleikarnir eru afrakstur af fjölþjóðlegu fræðsluverkefni sem hljómsveitin hefur starfað að í samvinnu við Austurbæjarskóla, Fellaskóla og Kársnesskóla.
Vögguvísurnar koma meðal annars frá Serbíu, Filippseyjum, Rússlandi, Indlandi, Íslandi og víðar úr heiminum. Nú verður útkoman kynnt á sérstökum skólatónleikum með söng, dansi, rappi og hljóðfæraleik.
Lesa meiraOsmo Vänskä útnefndur heiðursstjórnandi Sinfóníunnar
Finnski hljómsveitarstjórinn Osmo Vänskä hefur verið útnefndur heiðursstjórnandi Sinfóníuhljómsveitar Íslands. Frammistaða Vänskä með hljómsveitinni hefur vakið mikla eftirtekt og er það mat manna að hann lyfti sveitinni í nýjar hæðir með túlkun sinni. Osmo hefur gegnt stöðu aðalgestastjórnanda frá árinu 2014 en var einnig aðalstjórnandi hljómsveitarinnar á árunum 1993-96.
Tilnefnd til FÍT-verðlaunanna
Sinfóníuhljómsveit Íslands er tilnefnd til FÍT-verðlaunanna í þremur flokkum; menningar-viðburðarmörkun, stakar auglýsingar fyrir prentmiðla og veggspjöld.
Auglýsingastofan Döðlur hefur unnið markaðsefni- og kynningarefni Sinfóníunnar og óskum við þeim innilega til hamingju með viðurkenninguna.
Osmo Vänskä stjórnar tvennum tónleikum 16. og 17. mars
Fimmtudaginn 16. mars stjórnar Vänskä sjöundu sinfóníu Beethovens og Yevgeni Sudbin leikur píanókonsert nr. 23 eftir Mozart og föstudaginn 17. mars stjórnar hann sinfóníu nr. 2 eftir Jan Sibelius í Föstudagsröðinni.
Lesa meiraBein útsending frá tónleikum með Paul Lewis á fimmtudaginn 9. mars
Tónleikum Sinfóníunnar verður streymt í beinni útsendingu hér á vef hljómsveitarinnar á fimmtudaginn 9. mars
Á tónleikunum leikur enski verðlaunapíanistinn Paul Lewis annan og þriðja píanókonsert Beethovens auk þess sem hljómsveitin mun flytja Kraftaverkssinfóníuna eftir Joseph Haydn.
Streymið hefst kl. 19:30 hér á vef Sinfóníunnar.
Ungsveit Sinfóníuhljómsveitar Íslands valin bjartasta vonin
Ungsveitin var valin bjartasta vonin á Íslensku tónlistarverðlaununum sem haldin voru í Hörpu 2. mars síðastliðinn. Sinfóníuhljómsveit Íslands er stolt af frábærum árangri Ungsveitarinnar en eitt mikilvægasta hlutverk sinfóníuhljómsveita um allan heim er að miðla þekkingu sinni til nýrra kynslóða hljóðfæraleikara.
Ungsveitin hélt sína fyrstu tónleika árið 2009 og hefur síðan þá haldið árlega sinfóníutónleika. Á næsta starfsári flytur hún Vorblót Stravinskíjs undir stjórn Daniels Raiskin.
Lesa meira