Fréttasafn

Sinfóníuhljómsveit Íslands hljóðritar þessa dagana fyrir upptökufyrirtækið Sono Luminus. Verkin sem tekin verða upp eru Clockworking eftir Maríu Huld Markan Sigfúsdóttur, CATAMORPHOSIS eftir Önnu Þorvaldsdóttur, Sinfonia (for orbiting spheres) eftir Missy Mazzoli og Ós eftir Báru Gísladóttur.

Nemendur Skólahljómsveitar Austurbæjar og hljóðfæraleikarar Sinfóníunnar leiða saman hesta sína á sviði Eldborgar þriðjudaginn 24. maí kl. 11 þar sem verkið Dýravinir verður flutt. Þetta verða sannkallaðir stórtónleikar þar sem tæplega 100 manna hljómsveit kemur saman undir stjórn Bernharðs Wilkinsonar.

Bandaríska tónskáldið John Adams stjórnar eigin verkum á næstu tónleikum Sinfóníuhljómsveitar Íslands. Víkingur Heiðar Ólafsson, staðarlistamaður SÍ, kemur fram með hljómsveitinni í píanókonsertinum Must the devil have all the good tunes?.

Sigríður Thorlacius, Jóhanna Vigdís Arnardóttir, Eyþór Ingi, Þór Breiðfjörð og Gradualekór Langholtskirkju koma fram með Sinfóníuhljómsveit Íslands í flutningi á Skilaboðaskjóðunni á tvennum tónleikum í Eldborg, laugardaginn 30. apríl kl. 14 og 16. Stjórnandi er Kornilios Michailidis.

Hátt í 2.000 nemendur heimsóttu Sinfóníuhljómsveit Íslands í Eldborg á skólatónleikum í dag og von er á öðrum eins fjölda næstkomandi föstudag. Fluttir voru þrír þættir úr Plánetunum eftir Gustav Holst. Sævar Helgi Bragason kynnti um leið pláneturnar þrjár í máli og myndum og voru tónleikarnir táknmálstúlkaðir. 

Að minnsta kosti 10.750.000 krónur söfnuðust í tengslum við Samstöðutónleika Sinfóníuhljómsveitar Íslands með úkraínsku þjóðinni sem haldir voru í Hörpu þann 24. mars sl. Fjármunirnir renna til neyðarsöfnunar Þroskahjálpar fyrir fatlað fólk í Úkraínu.  

Þrjár stöður hljóðfæraleikara við Sinfóníuhljómsveit Íslands eru lausar eru til umsóknar. Um er að ræða stöðu leiðara í flautudeild, uppfærslumanns í 2. fiðlu og stöðu sellóleikara. Hæfnispróf verða haldin í júní og rennur umsóknarfrestur út síðar í apríl.

Staða leiðara í flautudeild Sinfóníuhljómsveitar Íslands er laus til umsóknar. Hæfnispróf verður haldið 8. júní nk. í Hörpu og er umsóknarfrestur til 13. apríl.

Valið hefur verið í Ungsveit Sinfóníuhljómsveitar Íslands eftir prufuspil sem fram fóru í síðustu viku. Í dag hófust raddæfingar ólíkra hljóðfærahópa og má hér sjá 2. fiðlu Ungsveitarinnar við æfingar í Eldborg, undir stjórn Páls Palomares, leiðara í 2. fiðlu Sinfóníuhljómsveitar Íslands.