2012

Út er kominn nýr hljómdiskur með Sinfóníuhljómsveit Íslands þar sem Einar Jóhannesson leikur fjóra klarínettukonserta með hljómsveitinni. Diskurinn er einstakur vitnisburður um einn af allra bestu listamönnum þjóðarinnar í einleikshlutverki í verkum eftir Mozart, Weber, Debussy og Jón Nordal.

Diskurinn er tilnefndur til Íslensku tónlistarverðlaunanna í flokki sígildrar- og samtímatónlistar. Sinfóníuhljómsveit Íslands og Einar Jóhannesson eru einnig tilnefnd sem flytjandi ársins í sama flokki.

Einar Jóhannesson hefur skipað sér sess á ferli sínum sem einn fremsti flytjandi klassískrar tónlistar á Íslandi.

Lesa meira

Verslunarferðin í Kringlunni sl. föstudag breyttist skyndilega í himneskt tónaflóð. Hljóðfæaraleikarar Sinfóníuhljómsveitar Íslands höfðu komið sér fyrir með hljóðfærin víðsvegar í Kringlunni. Fyrstur stillti bassaleikari sér upp og byrjaði að spila á miðju gólfi og smám saman flykktust fleiri hljóðfæraleikarar að honum og fyrr en varði var komin fullskipuð hljómsveit. Meðal áheyrenda leyndust  kórmeðlimir úr kór Áskirkju og kór Neskirkju sem skynidlega brustu út í söng með hljómsveitinni.  Fluttur var Hallelúja-kórinn eftir Händel við góðar  undirtektir allra viðstaddar.
Smellið á lesa meira til að horfa á myndskeið.

Lesa meira

Á hverju ári fer fram keppni ungra einleikara sem Sinfóníuhljómsveit Íslands og Listaháskóla Íslands stendur að. Keppnin er opin nemendum á háskólastigi, óháð því hvaða skóla þeir sækja, og fá þeir hlutskörpustu að leika einleik með Sinfóníuhljómsveit Íslands.

Einleikarakeppnin fór fram  27. október síðast liðinn. Alls tóku 10 nemendur þátt í keppninni, sex söngvarar og fjórir hljóðfæraleikarar. Hver einleikari flytur hálftíma dagskrá með verkum af ólíkum toga en dómnefnd keppninnar skipar tónlistarfólk í fremstu röð. Keppendur stóðu sig allir með prýði, en sex manna dómnefnd valdi fjóra sigurvegara til að koma fram með Sinfóníuhljómsveitinni á tónleikum þann 15. janúar 2013. Þau er: Einar Bjartur Egilsson, píanóleikari, Geirþrúður Anna Guðmundsdóttir, sellóleikari, Sólveig Steinþórsdóttir, fiðluleikari og Unnsteinn Árnason, söngvari.

Lesa meira

Tilnefningar Íslensku tónlistarverðlaunanna 2012 voru kynnar föstudaginn 30. nóvember við hátíðlega athöfn í Hörpu.
Sinfóníuhljómsveit Íslands var tilnefnd í þremur fokkum í ár.

Hljómsveitin fékk tilnefningu sem tónlistarflytjandi ársins í flokki sígildrar- og samtímatónlistar.  Í áliti dómnefndar segir:
Á árinu tókst hljómsveitin á við margbreytileg verk á áræðinn og ferskan hátt. Meðal hápunkta ársins má nefna Beethoven-hringinn og Tectonics hátíðina.

Þá fékk Sinfóníuhljómsveit  Íslands  tilnefningu fyrir hljómplötu ársins í sama flokki fyrir Klarínettukonserta þar sem Einar Jóhannesson leikur einleik með hljómsveitinni.
Einstakur vitnisburður um einn af allra bestu listamönnum þjóðarinnar í einleikshlutverki í verkum eftir Mozart, Weber, Debussy og Jón Nordal.

Tectonics tónlistarhátíð Sinfóníuhjómsveitar Íslands  undir stjórn Ilans Volkov aðalhjómsveitarstóra var tilnefnd sem tónlistarviðburður ársins.

Lesa meira

Ralph Couzens, forstjóri Chandos stjórnaði upptökum og var hann mjög ánægður með hljómburðinn í Eldborg.

"Það eru ekki margir tónleikasalir sem hafa risið á síðastliðnum 30 árum sem hægt er að segja um "þeir náðu hljómburðinum réttum" en ég trúi því staðfastlega að í Eldborgarsal Hörpu í Reykjavík sé einn besti hljómburður í klassískum tónleikasal sem ég hef heyrt. Hljómurinn er skýr og víðáttumikill með náttúrulegum blæ þannig að hljómsveitin hljómar eins og best verður á kosið. Ég held að þessi salur hljómi jafn vel með stærstu hljómsveit og kór og ég hlakka til að fá að reyna það einn góðan veðurdag. Fyrsta reynsla mín af upptöku í salnum á þessu ári sannaði einnig að salurinn er algjörlega hljóðeinangraður - það var fárviðri fyrir utan! Get ekki beðið eftir að vinna þar aftur."

Lesa meira

 

Áheyrnarprufurnar fyrir Litla trommuleikarann verða sunnudaginn 28. október kl. 11:00 á 4. hæð Hörpu.

Í ár er leitað eftir þremur slagverksleikurum á grunnskólaaldri til að flytja „Litla trommuleikarann“ eftir K.K. Davis með Sinfóníuhljómsveit Ísland.

Lesa meira

Dagana 17. -19. október heldur Sinfóníuhljómsveit Íslands sex skólatónleikar fyrir nemendur í 1.-4. bekk grunnskólans. Við höldum á vit ævintýranna með Pétri og úlfinum eftir Prokofiev ásamt Bernd Ogrodnik brúðugerðameistara. Pétur og úlfurinn er saga sem hljóðfæri segja og brúðurnar gera ljóslifandi í glæsilegri uppfærslu Bernds Ogrodnik og Sinfóníuhljómsveitar Íslands. Lesa meira

---

Lesa meira

Undanfarin þrjú ár hafa tæplega hundrað ungmenni úr tónlistarskólum landsins safnast saman undir merkjum Sinfóníuhljómsveitarinnar og náð undraverðum árangri undir leiðsögn framúrskarandi hljóðfæraleikara og stjórnenda.

Á tónleikunum 30 september flytja þau Pláneturnar eftir Gustav Holst sem er eitt vinsælasta og glæsilegasta hljómsveitarverk 20. aldarinnar. Sjö reikistjörnum er lýst í áhrifamiklu tón máli, allt frá upphafsþættinum Stríðsboðanum Mars til lokaþáttarins, Hins dulræna Neptúnusar, þar sem raddir Stúlknakórs Reykjavíkur óma eins og úr órafjarlægð.

Lesa meira