Fréttasafn
2012 (Síða 2)
Fyrirsagnalisti
Upphafstónleikar 13. september
Á Upphafstónleikum nýs starfsárs Sinfóníuhljómsveitar Íslands 13. september leikur Steven Osborne tvo konserta eftir Ravel; Píanókonsert í G-dúr og Píanókonsert fyrir vinstri hönd. Einnig verður flutt 5. Sinfónía Tsjajkovskíjs undir stjórn aðalhljómsveitarstjóra Sinfóníuhljómsveitar Íslands, Ilans Volkov.
Steven Osborne er einn fremsti píanóleikari Breta og hefur hann getið sér framúrskarandi orðspor fyrir túlkun sína. Hann hefur hlotið hin virtu Gramophone-verðlaun og var fyrr á þessu ári útnefndur til BBC Music Magazine-verðlaunanna fyrir upptökur á heildarverkum Ravels fyrir píanó.
Sinfónían leikur á Norræna kirkjutónlistarmótinu
Áheyrnarprufur fyrir jólatónleika
Áheyrnarprufur í einleikarakeppni jólatónleika Sinfóníuhljómsveitar Íslands 2012 verða haldnar sunnudaginn 28. október kl. 11:00 í Hörpu. Í ár er leitað eftir þremur slagverksleikurum á grunnskólaaldri til að flytja „Litla trommuleikarann“ eftir K.K. Davis með Sinfóníuhljómsveit Íslands.
Lesa meira
Dagskrá næsta starfsárs kynnt
Það eru spennandi tímar framundan hjá Sinfóníuhljómsveit Íslands á öðru starfsári í nýju tónleikahúsi. Fyrsta starfsár okkar í Hörpu fór fram úr björtustu vonum og framundan er fjölbreytt og forvitnileg dagskrá þar sem fjöldi framúrskarandi hljómsveitarstjóra og einleikara kemur fram með hljómsveitinni. Meðal þeirra má nefna bandarísku söngdívuna Deborah Voight, breska píanistann Steven Osborne og sænska klarinettuleikaran Martin Fröst. Þá kemur fjöldi íslenskra einleikara og einsöngvara fram með hljómsveitinni, m.a. Víkingur Heiðar Ólafsson, Auður Hafsteinsdóttir, Bjarni Thor Kristinsson og Hanna Dóra Sturludóttir.
Lesa meiraSinfónían hlýtur viðurkenningu IBBY
Í dag voru í Gunnarshúsi afhentar Vorvindaviðurkenningar IBBY á Íslandi við hátíðlega athöfn. Þrjár viðurkenningar voru veittar að þessu sinni fyrir störf að barnamenningu.
Sinfóníuhljómsveit Íslands fékk viðurkenningu fyrir metnaðarfullt barnastarf, m.a. með tónleikaröðinni Litla tónsprotanum og farsælu samstarfi við músina knáu Maxímús Músíkús.
Lesa meira
Maxímús - ný bók og tónleikar
Maxímús Músíkús bjargar ballettinum er þriðja bókin um músina tónelsku sem heillað hefur börn um allan heim. Sögurnar um Maxa hafa verið fluttar á fjölmörgum tónleikum og bækurnar um hann hafa komið út á ensku, þýsku, kóresku og færeysku. Höfundarnir, Hallfríður Ólafsdóttir og Þórarinn Már Baldursson, eru tónlistarmenn og leika með Sinfóníuhljómsveit Íslands. Geisladiskur með tónlist flutt af Sinfóníuhljómsveitinni fylgir bókinni. Tónleikarnir með nýja ævintýrinu eru laugardaginn 19. maí kl. 14 og 17.
Lesa meira
Barnastund með Sinfóníunni
Sinfóníuhljómsveit Íslands býður upp á barnastund laugardaginn 28. apríl kl. 11.30 sem er sértaklega ætluð yngstu hlustendunum á aldrinum tveggja til fjögurra ára. Í Barnastundinni flytur hljómsveitin létta og skemmtilega tónlist í u.þ.b. 30 mínútur sem er sniðið að þeim hópi barna sem er of ungur til að sitja heila tónleika í Litla tónsprotanum. Barnastundin er haldin í opna rýminu fyrir framan Eldborg á annari hæð í Hörpu. Kynnir er trúðurinn Barbara og hljómsveitarstjóri er Bernharður Wilkinson. Vinsamlega takið með ykkur púða til að sitja á.
Allir velkomnir og aðgangur ókeypis.
Lesa meira
Ungu fólki boðið á Rómeó og Júlíu
Í vikunni býður Sinfóníuhljómsveit Íslands ungu fólki í efri bekkjum grunnskóla á tónleika í Eldborg þar sem flutt verður Rómeó og Júlía eftir Prokofíev. Leikararnir Esther Talía Casey og Jóhannes Haukur Jóhannesson eru sögumenn og stíga í hlutverk ungu elskendanna. Hljómsveitarstjóri er Baldur Brönnimann og handritshöfundur er Ólafur Egilsson.
Lesa meiraAadland stjórnar í stað Labadie 30. mars
Hljómsveitarstjórinn Bernard Labadie hefur afboðað komu sína á tónleika Sínfóníunnar föstudaginn 30. mars vegna forfalla. Í hans stað kemur Eivind Aadland er einn af virtustu hljómsveitarstjórum Noregs, en hann var aðalstjórnandi Sinfóníuhljómsveitarinnar í Þrándheimi um sjö ára skeið frá árinu 2004.
Lesa meira