2016 (Síða 4)

Staða almenns hljóðfæraleikara í horndeild Sinfóníuhljómsveitar Íslands hefur verið augllýst laus til umsóknar. Umsóknarfrestur er til 2. mars en hæfnispróf fara fram í Hörpu 10. maí.

Nemendur 5.-7. bekkja grunnskóla er boðið á skólatónleika með Ævari vísindamanni dagana 3. - 5. febrúar. Þar hljómar æsispennandi tónlist sem öll tengist vísindum á einhvern hátt og Ævar hefur sjálfur valið. Nemendur á landsbyggðinni fylgjast með beinu streymi frá tónleikunum

Finnski hljómsveitarstjórinn Osmo Vänskä hefur framlengt samning sinn sem aðalgestastjórnandi Sinfóníuhljómsveitar Íslands um þrjú starfsár, fram á sumar 2020. Hann hefur gegnt stöðunni frá árinu 2014 en var einnig aðalstjórnandi hljómsveitarinnar á árunum 1993-96.

Vegna mikillar eftirspurnar á miðum á Vísindatónleika Ævars hefur verið bætt við aukatónleikum kl. 16 sama dag. Á tónleikunum hljómar tónlist eftir verðlaunatónskáld og stjarnfræðilega vinsæl tónskáld, Íslandsvini og kvikmyndajöfra. Meðal annars má heyra tóna úr himingeimnum, tölvuleikjum, kvikmyndum og sjónvarpsþáttum, ævintýraþrá mannsins er í forgrunni og spennandi kraftar koma við sögu.