Fréttasafn (Síða 17)

Þó að Laufey sé ung að árum hefur hún heillað heimsbyggðina með lagasmíðum sem sameina bæði strauma úr jazzi og samtímadægurtónlist. Laufey hefur vakið mikla athygli, nú síðast þegar hún kom fram í sjónvarpsþættinum Jimmy Kimmel Live, og virt tónlistartímarit á borð við Rolling Stone hafa hælt henni á hvert reipi. Móðurafi Laufeyjar naut gríðarlegrar virðingar sem fiðlukennari í Kína á sinni tíð og móðir hennar er fiðluleikari í Sinfóníuhljómsveit Íslands.

Sinfóníuhljómsveit Íslands býður nú í annað sinn upp á Jólastund fyrir einstök börn. Fjórar jólastundir fara fram dagana 6. og 7. desember þar sem hljómsveitin leikur vandaða jóladagskrá í Norðurljósum. Ásamt hljómsveitinni koma fram ballettdansarar úr Listdansskóla Íslands og Maxímús músíkús kemur í heimsókn. Hljómsveitarstjóri er Nathanel Iselin.

Dagana 28.-30. september verður haldin í Hörpu árleg ráðstefna framkvæmdastjóra og helstu stjórnenda sinfóníuhljómsveita á Norðurlöndum. Sinfóníuhljómsveit Íslands er gestgjafi að þessu sinni en ráðstefnan er nú haldin í fertugasta og fimmta skipti.

Lesa meira

Við kveðjum í dag yndislega samstarfskonu og framúrskarandi listamann. Anna Guðný Guðmundsdóttir píanóleikari lék með Sinfóníuhljómsveit Íslands frá árinu 1985 og var fastráðin við hljómsveitina frá árinu 2005.

Skrifstofa Sinfóníuhljómsveitar Íslands er lokuð í dag, 22. september frá kl. 13 vegna útfarar Önnu Guðnýjar Guðmundsdóttur, pínaóleikara.  

Vegna mikillar eftirspurnar kemur Laufey fram með Sinfóníuhljómsveit Íslands á aukatónleikum í Eldborg 26. október. Þar flytur hún tónlist sína ásamt þekktum jazzperlum í hljómsveitarútsetningum. Miðasala á sinfonia.is og í miðasöðu Hörpu. 

Það hefur verið nóg að gera hjá sellóleikaranum Sæunni Þorsteinsdóttur að undanförnu. Hún er margverðlaunuð og afar eftirsóttur einleikari um heim allan. Stórblaðið The New York Times hefur til að mynda kallað leik hennar „afar grípandi“. Þannig er hún fastagestur í Carnegie Hall í New York og hefur meðal annars komið fram með Fílharmóníusveitinni í Los Angeles. 

Daniil Trifonov er heimsþekkur píanisti og einn eftirsóttasti einleikari veraldar. Hann kemur nú fram á Íslandi, bæði með Sinfóníuhljómsveit Íslands og á einleikstónleikum í Eldborg. 

Á hverju starfsári heldur Sinfóníuhljómsveit Íslands fjölmarga skólatónleika þar sem nemendum, allt frá leikskólaaldri til framhaldsskólanema, er boðið fjölbreytta tónleika. Skólatónleikar hljómsveitarinnar hafa vakið verðskuldaða eftirtekt þar sem tónverk hverra tónleika eru sniðin að ákveðnum aldurshópi. 

Anna Þorvaldsdóttir hefur verið staðartónskáld Sinfóníuhljómsveitar Íslands frá árinu 2018. Hún er áhrifavaldur á sviði samtímatónsmíða og verk hennar eru flutt af fremstu hljómsveitum og tónlistarfólki heims. Nægir þar að nefna fílharmóníusveitirnar í Berlín, Los Angeles og New York. Verk Önnu verða ofarlega á baugi hjá Sinfóníuhljómsveit Íslands á starfsárinu, í Hörpu sem og á tónleikaferð hljómsveitarinnar til Bretlands.