Fréttasafn (Síða 18)

Sinfóníuhljómsveit Íslands leitar að mannauðsstjóra. Við leitum að skipulögðum, drífandi og öflugum leiðtoga sem hefur góða reynslu og brennandi áhuga á fólki og mannauðsmálum. Umsóknarfrestur er til og með 10. febrúar nk.

Í ljósi mikillar útbreiðslu kórónuveirunnar og hertra samkomutakmarkana reynist óhjákvæmilegt að fresta eða aflýsa tónleikum og viðburðum Sinfóníuhljómsveitar Íslands sem ráðgerðir voru í janúar og febrúar. Nýjar dagsetningar fyrir þá tónleika sem frestað var verða kynntar á næstu dögum.

Prufuspil fyrir þátttöku í Ungsveit Sinfóníuhljómsveitar Íslands 2022 verða haldin í Hörpu mánudaginn 21. og þriðjudaginn 22. mars 2022. Umsókn um þátttöku í prufuspilinu er opin öllum tónlistarnemendum sem lokið hafa miðprófi.

Vegna heimsfaraldursins og afleiðinga hans reyndist óhjákvæmilegt að aflýsa fyrirhuguðum sýningum á Valkyrjunni eftir Wagner, uppfærslu Sinfóníuhljómsveitar Íslands og Íslensku óperunnar í samstarfi við Listahátíð í Reykjavík sem fara átti fram í Hörpu 24. og 26. febrúar 2022. 

Næstu tvennum tónleikum Sinfóníuhljómsveitar Íslands hefur verið frestað í ljósi útbreiðslu smita í samfélaginu. Tónleikunum Ungir einleikarar sem fara áttu fram 13. janúar og tónleikunum Shostakovitsj og Barber sem fara áttu fram 20. janúar næstkomandi verður fundin ný dagsetning síðar í vetur.

Í ljósi aukinnar útbreiðslu kórónuveirunnar og hertra samkomutakmarkana hefur Sinfóníuhljómsveit Íslands ákveðið að fresta Vínartónleikum 2022, sem fara áttu fram 6., 7. og 8. janúar næstkomandi, sem og tónleikunum Ungir einleikarar sem fara áttu fram 13. janúar, um óákveðinn tíma. 

Sinfóníuhljómsveit Íslands er í hátíðarskapi þessa dagana og hélt sína árlegu jólagleðidagskrá með viðkomu á Hrafnistu og Landspítala dagana 14.-16. desember.

Við leitum að umsjónarmanni nótna

Sinfóníuhljómsveit Íslands óskar eftir að ráða umsjónarmann nótna. Leitað er að áhugasömum og metnaðarfullum einstaklingi sem býr yfir drifkrafti og góðum samskiptaeiginleikum. Um 50% stöðu er að ræða, sem svo verður að fullu starfi haustið 2022. Viðkomandi þarf að gera hafið störf sem fyrst.

Kanadíska sópransöngkonan og hljómsveitarstjórinn Barbara Hannigan kemur í fyrsta sinn til Íslands næsta voru- og er víst að tónleikar þessarar frábæru tónlistarkonu verða stórviðburður í tónlistarlífinu. Barbara Hannigan stjórnar og syngur með Sinfóníuhljómsveit Íslands á tvennum tónleikum í Eldborg í Hörpu á opnunarhelgi Listahátíðar í Reykjavík, 3. og 4. júní 2022.  

Hljómsveitarstjóraakademía Sinfóníuhljómsveitar Íslands hefur verið í fullum gangi í vetur og í morgun var komið að því að hljómsveitarstjóraefnin fengju tækifæri til að stíga á stjórnendapallinn og stjórna sjálfri Sinfóníuhljómsveit Íslands. Eva Ollikainen, aðalhljómsveitarstjóri og listrænn stjórnandi Sinfóníuhljómsveitar Íslands, er stjórnandi akademíunnar.