Fréttasafn (Síða 19)

Að minnsta kosti 10.750.000 krónur söfnuðust í tengslum við Samstöðutónleika Sinfóníuhljómsveitar Íslands með úkraínsku þjóðinni sem haldir voru í Hörpu þann 24. mars sl. Fjármunirnir renna til neyðarsöfnunar Þroskahjálpar fyrir fatlað fólk í Úkraínu.  

Þrjár stöður hljóðfæraleikara við Sinfóníuhljómsveit Íslands eru lausar eru til umsóknar. Um er að ræða stöðu leiðara í flautudeild, uppfærslumanns í 2. fiðlu og stöðu sellóleikara. Hæfnispróf verða haldin í júní og rennur umsóknarfrestur út síðar í apríl.

Staða leiðara í flautudeild Sinfóníuhljómsveitar Íslands er laus til umsóknar. Hæfnispróf verður haldið 8. júní nk. í Hörpu og er umsóknarfrestur til 13. apríl.

Valið hefur verið í Ungsveit Sinfóníuhljómsveitar Íslands eftir prufuspil sem fram fóru í síðustu viku. Í dag hófust raddæfingar ólíkra hljóðfærahópa og má hér sjá 2. fiðlu Ungsveitarinnar við æfingar í Eldborg, undir stjórn Páls Palomares, leiðara í 2. fiðlu Sinfóníuhljómsveitar Íslands.

Tilnefningar til Íslensku tónlistarverðlaunanna voru kynntar í gær og hlaut Sinfóníuhljómsveit Íslands þrjár tilnefningar í flokknum Tónlistarviðburður ársins, fyrir þrjá stóra viðburði á árinu 2021; AIŌN, Grænu röðina og NýKlassík & Sinfó. 

Skólatónleikarnir Veiða vind fóru fram í fjórgang í vikunni og heimsóttu okkur um 2.600 nemendur á aldrinum 5-7 ára frá yfir 70 leik- og grunnskólum. Tónleikunum í dag var einnig streymt beint á sinfonia.is svo nemendur um allt land gætu verið með okkur á tónleikunum.

Takk fyrir komuna!

Víkingur Heiðar Ólafsson frumflytur á Íslandi glænýjan píanókonsert Daníels Bjarnasonar í beinni sjónvarpsútsendingu frá Eldborg næstkomandi miðvikudagskvöld kl. 20. Konsertinn ber heitið FEAST og var frumfluttur í Walt Disney-tónleikahöllinni í Los Angeles þann 18. febrúar síðastliðinn.

Tveir helstu einsöngvarar Íslands koma fram á Vínartónleikum okkar í ár, þau Herdís Anna Jónasdóttir og Gissur Páll Gissurarson. Þau flytja aríur og dúetta úr óperettum eftir Strauss, Zeller og Kálman, auk þess sem margir skemmtilegir valsar og polkar eru á efnisskránni.

Vínartónleikar eru einir líflegustu og skemmtilegustu tónleikar ársins – fáðu þér sæti!

Sökum samfélagsaðstæðna var Sinfóníuhljómsveit Íslands ekki unnt að flytja Töfraflautuna eftir Mozart eins og til stóð vikuna 7.-12. febrúar. Skólatónleikum og fjölskyldutónleikum sem fyrirhugaðir voru í byrjun febrúar er frestað fram á næsta starfsár 2022-2023. Tónleikarnir verða auglýstir á vef hljómsveitarinnar þegar dagsetning liggur fyrir og þurfa kennarar og skólastjórnendur að endurbóka sína hópa á viðburðinn þegar þar að kemur.